Бугун,

  • USD 11095.31
  • RUB 173.84
  • EUR 10772.44

Юлдуз Усмонова “Дарё” мухбири билан суҳбатда ишончини суиистеъмол қилган шогирдлари, Озодбек Назарбековга айтадиганлари ҳамда нима сабабдан раққосалар учун кастинг эълон қилгани ҳақида сўзлаб берди. 

— Яна Зарина Аҳмедова ва унинг жамоаси билан рақсларни саҳналаштиряпмиз. Афсуски, рақс санъатида янги юзлар йўқ. Хореография олий мактабида қизлар қолмаганми? Ўз вақтида Паризода, Муҳаббат, Муаззам Ғофурова каби раққосаларни халққа таништирганман. Яна шундай қилиш ниятим бор. Бу гал раққосаларни халқ ичидан излашга қарор қилдик.

Бир пайтлар “Ўзбекнаво” ишлаб юрганида, раққосаларни келмайдиган қилиб қўйган. Биттаси қизини у томонга тортса, биттаси ўғлини бу томонга тортса, ота-оналар ҳам болаларини ишонмай қўяди. Шунинг учун кастинг эълон қилиб, халқ ичидан истеъдодларни аниқлашга қарор қилдик. Энди ҳар хил раққоса бор, видеолар халқ ичига чиқиб кулгу бўлиб кетмаслиги учун видеоларни аввал ўзимиз кўрамиз. Кўз қўрқоқ, қўл ботир деб бежиз айтишмайди. Балки концертгача янги раққосаларни топарман, балки топмасман. Кимдир бир куни шуни бошлаши керак. Ҳозирча бир-иккитасини кўз олдимга олиб турибман, — дейди хонанда Юлдуз Усмонова.

Ўзбекистон халқ артисти Юлдуз Усмонова баъзи ёшларни иш ўрганадиган вақтда раҳбар қилиб қўйишлари ва кўплаб муаммолар шундан келиб чиқаётгани ҳақида ҳам айтиб ўтди.

— Ўтган йилги концертимда “Кулчатой” қўшиғига рақс тушган қизни дадаси қайсидир ансамблга раҳбар қилиб қўйибди. Кимга дарс беради, ўзидан яхши ўйнайдиганларга сабоқ берадими? У ҳали ўз устида ишлаши, ўрганиши керак. Ҳали нонни нанна деб юрган қизни раҳбар қилиб қўйяпти. Бутун хатоликлар шундан келиб чиқяпти, — дейди хонанда.

Юлдуз Усмонова баъзи давлат ташкилотларидан нима учун ранжиганини қуйидагича изоҳлади.

— Ички ишлар, Давлат хавфсизлик хизмати ёки Миллий гвардия бўлсин, ҳаммасининг ўз ансамбли бор. Мана бу саҳнада бирорта раққосага қаттиқроқ гапирсанг, ўз устида ишлашнинг ўрнига бошқанинг қанотига чопади. Менимча, ҳар бир ташкилот ўз ишини қилгани маъқул. Санъаткор масхарабоз эмас, уни ҳурмат қилишни ўрганишлари керак. 
Раққосаларнинг ота-онаси катта умидлар билан ўқитади. Хореография олий мактабида тўрт йил сабоқ олади. Уларни катта саҳнага олиб чиқиб, халққа кўрсатиш керак. Тўй чиқяпти деб уни оёғости қилиш керак эмас. Тўртта одам келса, раққосани ўйнатиб, у ердан бу ерга олиб ишлатиш ярамайди.

Фото: “Дарё”

Шу ўринда Маданият вазири Озодбек Назарбековга мурожаатим бор. Яхши инсон бўлсангиз, яхши раҳбар ҳам бўлишингиз керак. Яхши инсон бўламан деб гапирмасангиз, кейин кеч бўлади. Давлатдан пул ажратиляпти, ҳомийлардан пул бериляпти. У ерда алоҳида ансамбл, бу ерда алоҳида ансамбл ташкил этиляпти, аммо пичоққа илинадиган ҳеч ким йўқ. Мен давлатнинг байрамида ҳам ўйинчиларга қарайман. Мен уларга ичимдагиларни айтганман, аммо гапларим ёқмаяпти. Саҳналарда “қариб қолган” раққосалар ўйнаяпти. Санъат жуда бешафқат, раққосалар 32 ёшида нафақага чиқади. Бу дегани 15-25 ёшгача раққоса босиб ишлаши керак. Агар шу гапларимни тарсаки деб қабул қилишадиган бўлишса, иккинчи томонига ҳам уришга тайёрман. Мен уларнинг ўнгланишини истайман. Барча давлат ташкилотлари Маданият вазирлиги ва санъаткорларни ҳурмат қилишларини сўрайман. Санъаткор кўчадаги масхарабоз эмас, Юлдуз ва бошқа санъаткорлар ўз-ўзидан катта саҳнага чиқиб қолгани йўқ. Шунинг учун ҳам кейинги пайтларда бошқа давлат ташкилотларига бошқача кўз билан қарайдиган бўлдим. Сизлар санъаткорни қандай ҳурмат қилаяпсизларки, кейин биздан нимани кутяпсизлар. Улар ўз ишини, биз эса ўз ишимизни қилайлик. Қаерда кўргансиз прокуратура ансамбл тузиб ўйинга тушиб юрганини?! Тўрт сўм қистириб юбор, биз бориб қўшиғимизни айтиб келамиз. Қўйинглар энди, машшоқчиликни машшоқчилар қилсин, — дейди хонанда Юлдуз Усмонова.

Хонанда шогирдлардан “тўйгани” ва аёллардан кўп куйгани ҳақида ҳам гапирди.

— Аёллардан кўп куйганман. Нечта аёл шогирд бўлай деб эшигимнинг тагида шоколад кўтариб турган бўлса, ҳофиз бўлганида нималар қилганини кўрдинглар. Қизларнинг ёмон феъли бор, улар ўзим бўлдим деб ўйлашади. Кеча эшигимнинг тагида дуо сўраб турганлар бугун менсимайди. Ҳасад қилиш учун ҳам битта дарахт экиш керак. Нафақат санъатда, ҳаётда ҳам атрофимда аёллар йўқ. Улар билан гапим қайнамайди, — дейди Юлдуз Усмонова.

Видеони тўлиқ ҳолда томоша қилинг:

 

Изоҳ

Sılınen hesab

29 январ, 16:04

Öz muhlislarini behurmat qilgan sanatkordan nima kutish mumkin hayf sendek sanatkorga

Шухрат Гафоров

29 январ, 10:41

Хакикатни айтибди Юлдуз,бизда шу хеч качон хакикат булмаган, хам булмаса керак хам, чунки хаммаёкни пораю-порахурлар босиб кетди.

Асосий янгиликлар
Маҳаллий
Ўзбекистонда биринчи автоматлаштирилган смарт санитар-гигиеник шохобча ишга туширилди (фото)
Маҳаллий
Ўзбекистонда 31 март куни 32 даражагача иссиқ бўлади
Маҳаллий
Самарқанддаги эски товуқ фабрикасида газ портлади