200 мингдан 5 млн долларгача: Нотаниш одамларни хурсанд қилиш учун катта миқдорда пул сарфлаган машҳурлар (фото)
Жуда банд ва тиғиз иш жадвалига эга бўлишига қарамай яхшилик қилишга ёки режалаштирилган кутилмаган ҳодисаларни уюштиришга тайёр бўлган чинакам олтин юракли юлдузлар бор. Улар бошқаларнинг юзига табассум олиб келади, шунинг учун ҳам уларни янада яхши кўришади.
Дуэйн Жонсон
Бир куни Дуэйн Жонсон 2 фарзандини ёлғиз тарбиялаётган отани ҳайратда қолдиради — уларга Рождество совғаларини ҳадя қилади. Дуэйн Жонсон ўз ҳаракатини янада мазмунли ва ижтимоий фойдали қилиш учун актёр Жон Красински билан ҳамкорликда ёлғиз оталарнинг фарзандлари учун ўйинчоқлар сотиб оладиган нотижорат хайрия ташкилотига 5 миллион доллар хайрия қилади.
Колин Фаррел
46 ёшли актёр бир марта Стресс исмли уйсиз одамга 2100 долларлик кийимлар харид қилган, сўнг ижара ҳақини тўлаш ва кўчада яшамаслиги учун унга 830 доллар нақд пул берган.
Бу Фарреллнинг Стрессга берган биринчи ёрдами эмас эди. У Стресс билан 4 йил олдин у билан бирга радиоэшиттиришга келганида танишган: актёрни студияга олиб келган одамга пул ваъда қилишган. Натижада эркак 2000 доллар мукофот олишга муваффақ бўлади.
Леди Гага
36 ёшли қўшиқчи дўкон олдида дастхат олиш учун навбатда турган мухлисларини 80 дона пишлоқли пицсага буюртма бериш орқали хурсанд қилишга қарор қилади. Бу унга 1000 долларга тушади. Бундан ташқари, у пицсериянинг етказиб берувчисига жуда яхши чойчақа беради.
Крис Хемсворт
Бир куни Голливуд актёри тасодифан ҳамёнини ресторанда унутиб қолдиради. Уни 17 ёшли йигит топиб, ҳамённи эгасига қайтаради. Тор ролининг ижрочиси йигитдан жуда миннатдор бўлади — барча нақд пуллар жойида бўлган. Крис пулларнинг барчасини ўсмирга беришга қарор қилади. Бонус сифатида яна озроқ пул ҳам қўшади.
Тейлор Свифт
Сахийлиги билан машҳур 33 ёшли қўшиқчи бир марта португалиялик қизга Буюк Британиядаги университетга киришига ёрдам бериш учун 30 000 доллардан ортиқ хайрия қилади.
Тейлор Свифт талабанинг ГоФундМе саҳифасини кўриб қолади. Актриса қизнинг истаги ва фидойилигидан илҳомланиб, уни қўллаб-қувватлашга ва бу орзусини амалга оширишда ёрдам беришга қарор қилади.
Кайли Женнер
Телешоу давомида Кайли Женнер аёл ва унинг қизига молиявий аҳволини енгиллаштириш мақсадида 200 минг доллар хайрия қилади. 22 ёшли қизи онасига ёрдам бериш учун коллежни ташламоқчи бўлади. Кайлининг сахий хайр-эҳсони унга талабалик кредитларини тўлаш ва ўқишга қайтиш имконини беради.
Зак Эфрон
Ижтимоий тармоқдаги видеога кўра юлдузни суратга олмоқчи бўлган мухлиси телефонини тушириб юборади. 35 ёшли актёр мухлисига 949,99 долларга янги iPhone олиб беради. Йигит юлдузнинг сахийлигидан хурсанд бўлганини, бундан ташқари, актёр уни суҳбатлашиш учун суратга олиш майдонига таклиф қилганини айтади.
