Ўзбекистонда 30 январдан бошлаб эски намунадаги ҳайдовчилик гувоҳномасини онлайн алмаштириш имконияти яратилади.
Адлия вазирлиги хабарига кўра, эски намунадаги ҳайдовчилик гувоҳномасини уйдан туриб, ЯИДХП (my.gov.uz) янгисига алмаштириш мумкин бўлади.
Бунинг учун (my.gov.uz) орқали буюртма берилади. Буюртмада:
- бўш қаторлар ўзингизга тегишли шахсий маълумотлар билан тўлдирилади;
- тегишли бандлар танланади;
- янги ҳайдовчилик гувоҳномаси етказиб бериладиган манзил кўрсатилади;
- мобил телефон ёки компьютер орқали шахсий имзо қўйилади;
- сўнгги қадамда инвойс шакилланади ва БҲМнинг 70 фоизи (210 000 сўм) миқдорида ҳамда почта хизмати учун 25 000 сўм тўлов амалга оширилади.
Марказ ходими, келиб тушган буюртмани кўриб чиқиб, чоп этган янги намунадаги ҳайдовчилик гувоҳномасини почта хизматига тақдим этади.
Почта хизмати томонидан икки иш кунида манзил бўйича етказилади ва сиздан эски намунадаги ҳайдовчилик гувоҳномасини ва талонни олиб, янгисини тақдим этади. Почта хизмати эски намунадаги ҳайдовчилик гувоҳномасини ва талонини ДХМга топширади.
Изоҳ (3)
Assalomu alaykum! Men my.gov.uz tizimida eski namunadagi haydovchilik guvohnomasini yangisiga almashtirish xizmatini topa olmadim. Foydalanganlar bormi? Qachondan foydalanish mumkin bo'ladi? Men bunday xizmatni topa olmadim.
Ассалому алайкум ! Бошқа давлатда юрганлар қандай алмаштиради правани?
суръати нима бўлади?