Иссиқ това ёки дазмолдан эҳтиётсиз фойдаланганда, сочни турмаклашга мўлжалланган ускуналарни ишлатиш вақтида ёки иссиқ чой бехосдан ағдарилиб кетганда куйиб қолиш мумкин. Тери жиддий шикастланганда зудлик билан шифокорга мурожаат қилинг. Ушбу мақола орқали куйиб қолганда биринчи ёрдамни тўғри кўрсатишни ва куйишдан кейинги оғриқни камайтириш йўлларини билиб оласиз.
Куйишдан кейинги оғриқни қандай камайтириш керак?
Куйишдан кейинги ёқимсиз оғриқдан халос бўлишнинг бир неча оддий усуллари мавжуд.
1. Муздай компресс.
Муз ёки музлатгичда совитилган ҳар қандай нарса, масалан, музлатилган резаворлар ёки сабзавотлар терининг шикастланган жойига қўлланилиши керак. Бундай компресс нафақат шишни камайтиради, балки оғриқ қолдирувчи таъсирга эга. Шунингдек, куйган жойини 10-15 дақиқа давомида оқиб турган совуқ остида ушлаб туриш мумкин. Сувнинг ҳароратини кузатиб боринг, сув ўта совуқ бўлмаслиги керак, акс ҳолда терининг музлаб қолиши хавфи мавжуд.
2. Оғриқ қолдирувчи воситалар.
Аналгин ёки аспирин барча хонадонларнинг дори-дармонлар қутисидан топилиши мумкин бўлган дорилардир. Улар оғриқни камайтиришга ёрдам беради ва бемор бир муддат нохуш ҳодисани унутади. Ҳар қандай дори-дармонни фақат жабрланувчининг ўша препаратларга аллергик реакциялари бўлмасагина қўллаш мумкин.
Терини совитгандан сўнг, куйган жойни пантенол, бепантен, сулфаргин ёки солкосерил каби терининг таъсирчанлигини камайтирадиган анестетик тиббий спрейлар ёки малҳамлар суриш керак. Бундан ташқари, “эмла” деб номланадиган лидокаинли маз ҳам яхши таъсирга эга.
Уйдан тиббий препаратлар топилмаса, халқона усуллардан фойдаланиш ҳам кутилган натижани беради.
Уй шароитида оғриқдан халос бўлишнинг бир нечта оддий, аммо самарали усуллари мавжуд.
3. Хом картошка
Хом картошка оғриқни камайтириши билан бирга терида яллиғланиш ҳосил бўлмаслиги учун курашади. Картошкани қирғичнинг катта тешигидан ўтказиб ёки майда қилиб тўғраб олгач, тоза докага ўраб, шикастланган терига суртишингиз керак.
4. Алоэ
Алоэ, шунингдек, табиий оғриқ қолдирувчи ролини ҳам бажаради. Ўсимлик барги ўртасидан кесилади ва куйган жойга қўйилади.
Юқоридаги барча усуллар фақатгина енгил жароҳатлар, биринчи ва иккинчи даражали куйиш олганда самаралидир. Агар терида пуфакчалар пайдо бўла бошласа, тўқималарнинг некрози бошланса ва ҳоказо оғир жароҳатларда, дарҳол шифокор билан боғланиш зарур. Бундай ҳолларда ўз билганича даволаниш тўғри қарор эмас.
Кучли, тўхтовсиз оғриқ терининг жиддий шикастлангани белгисидир, шу боис бу нафақат оғриқдан халос бўлишни, балки қўшимча даволовчи воситаларни қўллашни ҳам талаб қилади.
Мавзуга доир:
Изоҳ (0)