Барча мусулмон давлатларида бўлгани каби Туркияда ҳам Рамазон ойи муносиб қарши олинди. «Дарё» мухбири Азизбек Абдувалиев мазкур мамлакатда бўлиб, муборак ойни ўтказиш билан боғлиқ айрим жиҳатларга эътибор қаратди.
Туркиянинг катта-кичик шаҳарлари, хусусан, Истанбулнинг марказий кўчалари Рамазон ойини мадҳ этувчи улкан баннерлар билан безатилган. Уларни гавжум транспорт оқимида ҳам пайқаш қийин эмас.
Истанбулдаги машҳур «Аё София» масжиди Рамазон ойида бу ерни зиёрат қилиш истагида бўлган сайёҳлар билан тўла. Улар қаторида кўплаб ўзбекистонликларни ҳам учратиш мумкин.
Рамазон ойида Истанбулдаги айрим машҳур обидалар, хусусан, Султон Аҳмад масжидида таъмирлаш ишлари олиб борилмоқда.
Рамазон шукуҳи Истанбул халқаро аэропортида ҳам яққол кўзга ташланади. Улкан ҳаво қўналғасининг турли нуқталарида шундай инсталляцияларга гувоҳ бўласиз.
Turkish Airlines самолётларида ифторлик пайти йўловчиларга «Хайрли Рамазонлар» деган ёзув туширилган қоғоз қутилар тарқатилмоқда. Улардан сув, хурмо, зайтун, ширинлик ва егулик ўрин олган.
Рамазон ойида туркияликлар тоат-ибодат билан бир қаторда ўзларининг одатий юмуш ва машғулотлари билан ҳам банд. Улардан баъзиларининг фаолиятлари камерага муҳрланди.
«Дарё» мухбири Рамазон ойи шукуҳи билан яшаётган Туркияни шундай нигоҳ билан кўрди. Бу муборак ойда ушбу давлатда илғашга улгурилган айрим қирралар, холос.
Мавзуга доир:
Изоҳ (0)