Крем, соус, бисквит ва аксарият таомлар учун кўпинча фақат тухумнинг оқи ёки сариғи керак бўлади. Тухумнинг бир қисмини бошқасидан эҳтиёткорлик билан ажратиш унчалик қийин эмас. Lifehacker нашри уларнинг бир нечтаси билан бўлишди.
Тухум қобиғида
Иккита идиш тайёрланади: бири сариғи, иккинчиси оқи учун. Пичоқ ёки санчқи ёрдамида тухум ўртасидан чақилади. Улардан бирида сариғи қолиши керак. Барча оқ тўкилмагунча сариқ қисмни қобиқнинг ярмидан иккинчисига ўтказилади. Ажратилган сариқ иккинчи идишга солинади. Ушбу жараёнда пўчоқдаги кирлар унинг идишга тушмаслиги учун тухумларни ювиш тавсия этилади.
Қўллар билан
Ушбу усулда тухум идишга эмас қўлга чақилади. Идиш эса кафт остида туради. Бармоқлар орасидан тухум оқи идишга тушади, сариғи эса кафтда қолади. Ёки тухумни шунчаки идишга чақиб, қўллар билан дарҳол сариқни олиш мумкин. Фақат қўллар тоза ёки қўлқоп тақилган бўлиши лозим.
Пластик бутилка
Тухум идишга чақилади. Тоза бўш пластик бутилка тухум сариғи устига келтирилади. Аввал баклашка бироз қисилиб, сариғини тортиб олгач, сўнгра қўйиб юборилади. Натижада тухум сариғи алоҳида ажралиб чиқади.
Воронка билан
Агар ошхонада тор тешикли воронка бўлса, у стакан устига қўйилади ва ичига тухум чақилади. Тухум оқи пастга тушади. Сариғи эса юқорида сақланиб қолади. Ушбу усул доим ҳам иш бермаслиги мумкин, иссиқ ҳавода тухум сариғи ёйилиб, оқига қўшилиб оқиб кетади.
Элак билан
Элак пиёла устига қўйилади. Элак устидан тухум чақилиб, эланади. Натижада тухум оқи пастдаги идишга оқиб тушади. Сариғини осонгина бошқа идишга ажратиб олиш мумкин.
Maxсус восита ёрдамида
Агар мунтазам равишда тухумларнинг оқини сариғидан ажратиш керак бўлса, мазкур восита ёрдам беради. Бунинг учун ички айланани мўлжаллаб тухумларни чақиш кифоя. Восита тухум сариғини ушлаб қолади ва оқи пастга ажралиб тушади.
Мавзуга доир:
Изоҳ (0)