Кундалик одатларнинг бир нечтасини ўзгартириб, узоқ умр кўришингиз ва соғлом фикр билан кексаликка қадам қўйишингиз мумкин.
Қондаги холестерин нима?
Холестерин — липид (ёғ) бўлиб, у асосан жигарда ишлаб чиқарилади ва тананинг нормал ишлаши учун зарурдир. Холестерин танамиздаги ҳар бир ҳужайранинг ташқи қатламида мавжуд ва кўп функцияларни бажаради.
Холестерин атамаси юнонча «чоле» сўзидан олинган бўлиб, у «сафро, ўт» деган маънони, «стереос» эса «кучли, қаттиқ» маънони билдиради. «Холестерин» сўзи бу модда учун унчалик тўғри ном эмас. Чунки кимёвий номенклатурага кўра, «-ол» билан тугатиш тўғри бўлади, яъни, «холестерол» тарзида.
Шу боис «холестерин фойдали, холестерол эса зарар» ибораси бемаъниликдир. Организмда холестерин муҳим функцияларни бажаради, ҳужайраларни ва асаб толаларини ҳимоя қилади, гормонлар ишлаб чиқаришда ва витаминлар синтезида иштирок этади. Соғлиқ учун ягона хавф — қондаги холестерин ва триглицеридлар (холестерин бирикмалари) даражасининг ортишидир.
Аёлларда қондаги холестерин миқдорининг кўплиги нимага олиб келиши мумкин? Атеросклероз, юрак ишемик касаллиги, миокард инфаркти, стенокардия, инсульт ва мини-инсульт ва бошқа хасталикларни чақиради. Шунингдек, юрак-қон томир касалликлари, қон томирларнинг блокланиб қолиши оқибатида келиб чиқадиган турли хил ақлий заифликлар(деменсия)га сабаб бўлади. Сизга шу керакми?
Холестерин даражасини қандай тушириш керак?
Рационингизда тўйинган ёғлар миқдорини камайтиринг.
Айнан ёғли гўшт, колбаса, ветчина, сариёғ ва куйдирилган сариёғлар, қаймоқ ва пишлоқлар, шунингдек, кокос ва палма ёғи бўлган маҳсулотларни кўп миқдорда истеъмол қилишдан тийилинг.
Ёғсиз таомларни ейишни одат қилинг. Уларни мунтазам ейиш холестерин даражасини пасайтиради.
Кўпроқ клечаткага бой маҳсулотларни истеъмол қилинг
Холестерин даражасини қандай камайтириш мумкин? Клечаткага бой таомлар холестерин даражасини пасайтириши мумкин. Катталар учун кунига камида 30 грамм клечатка меъёр ҳисобланади. Кўпроқ арпа унидан қилинган нон, айниқса, сули ва перловка истеъмол қилинг. Таомномангизга дуккакли экинларни киритинг: буларнинг барчаси холестеринни камайтирадиган маҳсулотлардир.
Доимо жисмоний машқлар бажаринг
Ҳафта мобайнида ўртача 150 дақиқани аэробика машқларини қилишга ажратинг. Бу ҳам холестерин даражасини пасайтиришга ёрдам беради. Одатда жисмоний машқларни бажараётганда юрак уриш тезлиги ошиши ва одам терлаши керак. Акс ҳолда, бу меъёрий машқлар ҳисобланмайди.
Чекишни ташланг
Олимлар сигаретларда қон томирларни холестерин билан тўсиб қўйишни тезлаштирадиган «акролеин» кимёвий элементини аниқладилар. Шу сабабдан ҳам чекишни ташланг, ўзингизни куч билан қабрга итарманг.
Мавзуга доир:
Изоҳ (0)