Республика тез тиббий ёрдам маркази автобазаси 110 та Volkswagen Caddy русумли сўнгги авлод тез тиббий ёрдам машиналари билан бойиди, деб хабар бермоқда Соғлиқни сақлаш вазирлиги.
Маълум қилинишича, вазирлик тизимида эскирган автотранспорт воситаларини босқичма-босқич замонавийларига алмаштириш ишлари олиб борилмоқда. Хусусан, 103 хизматида 2938 дона тез ёрдам машинаси бўлиб, шундан 648 таси ёки 22 фоизи норматив ҳужжатларга асосан янгиланишга муҳтож.
Ҳозирги кунда 103 тасарруфида:
- 244 та Hunday,
- 145 та Volkswagen Caddy,
- 90 та Nissan,
- 46 та Toyota,
- 228 та Ford,
- 13 та Foton,
- 37 та УАЗ,
- 5 та Isuzu НLR,
- 29 та Isuzu D-MAX,
- 19 та “Газел”,
- 2082 та Damas машиналари хизмат кўрсатмоқда.
Хабарда айтилишича, янги тез ёрдам машиналари ҳудудлардаги мавжуд эҳтиёжга кўра қуйидагича тақсимланди:
- Қорақалпоғистон Республикаси — 10 та,
- Андижон вилояти — 10 та,
- Бухоро вилояти — 10 та,
- Жиззах вилояти — 9 та,
- Қашқадарё вилояти — 10 та,
- Навоий вилояти — 8 та,
- Наманган вилояти — 10 та,
- Сурхондарё вилояти — 9 та,
- Сирдарё вилояти — 8 та,
- Тошкент вилояти — 8 та,
- Фарғона вилояти — 10 та,
- Хоразм вилояти — 8 та.
Президентнинг 2021 йил 27 майдаги ва 2022 йил 16 июндаги қарорларига мувофиқ, тизимдаги мавжуд Damas ва хизмат муддатини ўтаган бошқа турдаги транспорт воситаларини 2022—2024 йилларда янгилаш белгиланган.
Изоҳ (0)