Сирдарё вилояти Сирдарё туманида катта миқдордаги солиқларни тўлашдан бош тортган фуқарога чора кўрилди. Бу ҳақда “Дарё”га Мажбурий ижро бюроси хабар қилди.
Қайд этилишича, МИБнинг туман бўлими иш юритувида туманда фаолият юритиб келаётган "Шоликор қум шағал инвест" МЧЖдан давлат фойдасига 1 миллиард сўмдан ортиқ солиқ ва давлат божи тўловлари ўз вақтида тўлашдан бўйин товлаб келгани аниқланган. Давлат солиқ органларининг қарздорликларини ҳамда судларнинг давлат божлари ундириш тўғрисидаги ижро ҳужжатлари бюронинг Сирдарё туман бўлими иш юритувига қабул қилиниб, ижро ҳаракатларига киришилган.
Қарздорнинг мол-мулкларини аниқлаш мақсадида тегишли ташкилотларга сўровнома юборилиб ўрганилганда қарздор жамиятга тегишли бўлган Malibu автотранспорт воситаси борлиги аниқланиб, хатланган ва вақтинча сақлаш учун жарима майдончасига олиб келинган.
Тадбиркор давлат олдидаги қарздорликларни белгиланган муддатларда бартараф этилмагани сабабли автотранспорт воситаси тегишли тартибда 314 миллион сўмга баҳоланган. Ҳозирда хатланган мулкни онлайн аукцион савдолари орқали реализация қилиниш чоралари кўрилмоқда.
Изоҳ (0)