Жеймс Кемероннинг 2009 йилда суратга олинган «Аватар» фильми дунё бўйлаб бир қанча рекордларни ўрнатди ва унинг энг машҳур ижодларидан бирига айланди. У умуман олганда, фантастик жанрдаги энг юқори даромад келтирувчи фильм, шунингдек, энг оммабоп оригинал кинофильм деб топилди. Гарчи «Аватар» фильми техник нуқтаи назардан деярли мукаммал бўлса ҳам, унда бир қатор қўпол хатолар мавжуд.
Голф тўплари
Биринчи саҳналардан бирида Жованни Рибисининг қаҳрамони бошқарув хонасида голф ўйнамоқда. Аввалига унинг орқасида 2 та тўп ёнма-ён ётгани кўринади, бироқ бир лаҳзадан сўнг уларнинг жойи ўзгаради, бир сониядан кейин эса яна бир жойда бўлиб қолади.
Ёрдамчи қўл
Жейк Салли (Сем Уортингтон) аватарга уланиш қурилмасига ўтирганда, доктор Грэйс Огустин (Сигурну Уивер) унга ётишга ёрдам бераётгани кўринади. Аммо шундан сўнг дарҳол у ёрдам бериш учун югураётган кадр бор, демак, бу саҳналарнинг жойи алмашиб қолган.
Йўқолган ўқ
Салли ўрмонда Нейтирини (Зоэ Салдана) топади ва у уни ёввойи ҳайвон ҳужумидан қутқаради. Кўриниб турибдики, у қўлида ўқ ушлаб турибди, аммо кейинги кадрда ўқ йўқ бўлиб қолади.
Саллининг қўллари
Салли қўмондонлик марказига қайтиб келади ва бошлиқлар билан гаплашаётганда қўлларини Пандора картасига қўяди. Аммо кейинги саҳнада унинг қўллари стол остида, кейин эса яна столда. Бу тўрт марта содир бўлади.
Сеҳрли ойна
Фильм охирида полковник Саллини енгмоқчи бўлганида робот ичидаги орқа кўзгу пайдо бўлади ва йўқолади.
Ўзгарувчан робот
Роботнинг кўриниши бутун кадр давомида доимо ўзгариб туради: гоҳида унинг томида панжара бор, гоҳида эса бутунлай силлиқ бўлади. Бу, айниқса, яқиндан кўрилганда сезилади.
Эгизакларми?
Фильм бошида доктор Огустин Паркер Селфриж билан гаплашаётганида унинг ортидан бир қиз юрганини кўриш мумкин. Аммо бир сониядан сўнг унинг худди шу йўналишда ҳаракат қилаётганини яна кўриш мумкин.
Ҳаракатланувчи соч ўрими
Жейк Пандора отларини минишни ўрганганида, унинг ўрилган сочи доимо кадрдаги ўрнини ўзгартиради.
Бўйиндаги микрофон
Жамоанинг барча аъзолари бўйнида микрофон бор, бу эса штаб-квартира билан алоқада бўлиш имконини беради.
Аввалига Саллида ҳам шундай микрофон бор эди, бироқ у ўрмон ҳайвонидан қочиш учун дарёга сакрагандан кейин қурилма йўқолиб қолади. Бу сюжет учун жуда муҳим бўлса-да, томошабинлар Жейк уни йўқотган пайтини кўрмайдилар.
Мавзуга доир:
Изоҳ (0)