Январь ойининг дастлабки икки ҳафтасида дунё бўйлаб 585 миллиард долларга тенг рекорд миқдоридаги облигациялар чиқарилди. Бу ҳақда Bloomberg хабар бермоқда.
Мазкур рақамлар агентлик 1999 йилдан бери олиб борган бундай ҳисоб-китобларнинг бутун даври учун максимал кўрсаткич ва ўтган йилнинг мос даври учун 4 фоизга кўп. Аввалги рекорд 2020 йилда қайд этилганди — 562 миллиард доллар.
Таҳлилчилар ҳам корпоратив, ҳам суверен эмитентлар томонидан чиқарилган облигацияларнинг рекорд ҳажмини жаҳоннинг етакчи марказий банклари фоиз ставкаларини ошириш билан изоҳламоқда, улар шу тариқа инфляцияга қарши курашишга ҳаракат қилмоқда.
«Бизнинг фикримизча, облигациялар соҳасида ўсиб бораётган фаоллик жуда кучли пойдеворга эга, айниқса гап инвестиция даражасидаги бозорлар ҳақида кетганда», — дейди PineBridge Investmentс брокерлик компанияси вакили Омар Слим.
Эмитент — ўз фаолиятини ривожлантириш ва молиялаштириш учун қимматли қоғозларни чиқарадиган (эмиссия қилувчи) компания ёки ташкилот.
Облигация — қийматига нисбатан эгасига (қатъий белгиланган даромад келтирувчи) қимматли қоғоз, қарзни қайтариб бериш ва фоиз тўлашни тасдиқловчи мажбуриятнома.
2022 йилда глобал фонд ва облигация бозорлари 30 триллион доллардан кўпроқ зарар кўрган эди.
Изоҳ (0)