2022-yil oxirida jahon fond va obligatsiyalar bozorlari 30 trillion dollardan ko‘proq zarar ko‘rdi. Bu 2008-yilda jahon moliyaviy inqirozi tugaganidan beri eng yuqori ko‘rsatkichdir. Bu haqda Financial Times xabar bermoqda.
Bozorlardagi eng katta yo‘qotishlarga inflyatsiya, foiz stavkalarining oshishi hamda Rossiya va Ukraina o‘rtasidagi urush sabab bo‘ldi.
“Rivojlangan va rivojlanayotgan bozorlar aksiyalarining MSCI All-World keng indeksi o‘z qiymatining beshdan bir qismini yo‘qotdi”, — deya qayd etadi FT.
Shuningdek, S&P 500 indeksi deyarli 20 foizga, Nasdaq indeksi 33 foizga tushdi.
Xitoy birjalari indekslari yuanda 22 foizga, dollarda 28 foizga, MSCI Europe indeksi dollarda 16 foizga va yevroda 11 foizga pasaydi.
FT ma’lumotlariga ko‘ra, kriptovalyuta bozori 2022-yilda 1,7 trillion dollar yo‘qotgan. Shuningdek, AQSH qimmatli qog‘ozlaridagi pasayishni ham qayd etildi.
Elektr avtomobil ishlab chiqaruvchi Tesla o‘z qiymatining deyarli uchdan ikki qismini, chip ishlab chiqaruvchi Nvidia 50 foiz, Apple va Microsoft deyarli 30 foiz, Alphabet (Google bosh kompaniyasi) 40 foiz bozor qiymatini yo‘qotdi.
Izoh (0)