Аномал совуқ даврида Сурхондарё вилоятида аҳоли ва ижтимоий соҳа объектларини узлуксиз электр энергияси билан таъминлаш мақсадида қўшни Тожикистон Республикасидан қўшимча электр энергияси етказиб бериш йўлга қўйилди. Бу ҳақда «Дарё»га «Ҳудудий электр тармоқлари» АЖ Сурхондарё ҳудудий филиали ахборот хизмати раҳбари Азимбек Самадов хабар берди.
Маълум бўлишича, 2023 йил 18 январь куни вилоятнинг Шўрчи, Олтинсой, Қумқўрғон, Жарқўрғон туманларининг 70 фоиз, Бандихон, Қизириқ, Шеробод туманларининг 90 фоиз ва Бойсун, Сариосиё, Узун, Денов туманларидаги барча истеъмолчиларга Тожикистон Республикасининг «Регар-500» подстанциясидан чиқувчи 220кВли Л-Регар-Зарчоп ва Л-Регар-Шеробод электр узатиш тармоқлари орқали электр токи етказиб берилмоқда.
Вилоятимизнинг Термиз, Жарқўрғон туманларининг 30 фоизи, Музработ, Ангор, Шеробод туманларининг 10 фоизи ҳамда Термиз шаҳрининг электр энергия истеъмолчилари 196 МВт юклама билан Ўзбекистон Республикаси орқали кучланиш билан таъминланмоқда. Тожикистон Республикасининг «Регар-500» подстанциясидан чиқувчи 220кВли Л-Регар-Зарчоп ва Л-Регар-Шеробод электр узатиш тармоқларининг ҳар биридаги симнинг юкламани кўтариш қобилияти 250 МВтга мўлжалланган бўлиб, Л-Регар-Зарчоп ва Л-Регар-Шеробод электр узатиш тармоқларининг бирортасида фавқулодда ўчиб қолиш ҳолатлари юз берган вақтларда энергосистемани сақлаб қолиш мақсадида Шўрчи, Олтинсой, Қумқўрғон, Жарқўрғон, Бандихон, Қизириқ, Шеробод, Бойсун, Сариосиё, Узун, Денов туманлари бўйича Жанубий минтақавий диспетчерлик бошқармаси диспетчерларининг топшириғи ҳамда Сурхондарё ҳудудий диспетчерлик бўлими диспетчерининг фармойиши билан тасдиқланган чеклаш графигига асосан 6-10 кВли фидерлардан соатига 70-80 МВт дан чеклаш олиб бориш тақозо этилади, — дейди Азимбек Самадов.
Мавзуга доир:
Изоҳ (0)