Бугун,

  • USD 11095.31
  • RUB 173.84
  • EUR 10772.44

Россия президенти Владимир Путин Украинага қарши узоқ муддатли урушга тайёрланмоқда. Буни исботловчи бир нечта омиллар бор, деди НАТО бош котиби ўринбосари Мирча Жоане Ҳарбий қўмита мажлиси чоғида.

Фото: Getty Images

Фото: Getty Images

Жоаненинг сўзларига кўра, Россиянинг Украинага қарши уруши яқин орада якунланиши даргумон.

«Путин узоқ давом этадиган урушга тайёрланмоқда», — деди у НАТОга аъзо мамлакатлар штаб бошлиқлари билан учрашувда.

Жоаненинг қайд этишича, бунга бир қанча омиллар ишора қилмоқда, хусусан:

  • яқинда 200 мингдан ортиқ россиялик ҳарбий хизматчиларнинг сафарбар қилиниши;
  • маҳаллий қурол-яроғ ишлаб чиқариш ҳажмининг оширилиши;
  • бошқа мамлакатлардан — хусусан, Эрондан қурол сотиб олиш суръатларининг оширилиши.

Шу муносабат билан НАТО бош котиби ўринбосари 2023 йил ҳарбий жиҳатдан қийин бўлиши ҳақида огоҳлантирди ва зарурат бор экан, Украинани қўллаб-қувватлашга чақирди.

Аввалроқ Путин Россия амалга ошираётган ишлар, шу жумладан, «махсус операция» ҳам, гўёки, урушга нуқта қўйишга уриниш эканини айтганди. «Бугунги кунда қилаётган ҳар бир ишимиз, шу жумладан, махсус ҳарбий операция урушни тўхтатиш ва Донецк ҳамда Луганск ҳудудларида яшовчи халқимизни ҳимоя қилишга уринишдир. Бу бизнинг тарихий ҳудудларимиздир», — деди у.

Аввалроқ Урушни тадқиқ қилиш институти (ISW) ҳам уруш ҳали тугамаслигини айтганди. «Кремлнинг 2023 йилдаги стратегик ҳаракатларга тайёргарлик кўриш режаси узоқ давом этадиган уруш шароитини яратишни истисно этмайди. ISW Россиянинг Украинадаги урушда ғалаба қозониш учун ‘сўнгги уринишини’ башорат қилмайди. Уруш тугамайди»,— деганди экспертлар.

 

Мавзуга доир:

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова