Ҳиндистон шимолидаги Уттар-Прадеш штатида жойлашган тарихий масжид «йўлни кенгайтириш» мақсадида бузиб ташланди. Бу ҳақда Tribune хабар берди.
БМТнинг Таълим, фан ва маданият масалалари бўйича ташкилоти (ЙUNЭСКО)нинг собиқ вакили Ашок Свайн ўзининг Twitter саҳифасига масжиднинг бульдозер билан бузилгани тасвирини жойлади. Ижтимоий тармоқларда кенг тарқалган видеода кран иншоотни бузаётгани акс этган. Видеода ўткинчилар ва томошабинлар масжид қандай вайрон бўлишини суратга олаётганини кўриш мумкин.
Таъкидланишича, Шоҳи Масжид иншооти Оллоҳободда жойлашган ва Шер Шоҳ Сури даврида қурилган. Масжид «йўлни кенгайтириш» мақсадида бузиб ташланган ва бу масала бўйича суд мажлиси бўлиб ўтиши керак.
Декабрь ойида Ҳиндистоннинг шимолидаги Аёдхя шаҳридаги 16-асрга оид Бабри масжиди бузиб ташланганига 30 йил тўлди. Покистон масжид ўрнида ҳинд ибодатхонаси қурилишини қоралаган ва Нью-Деҳлини тарихий масжиднинг асл жойида қайта тиклаш ва уни вайрон қилган жиноятчилар муносиб жазога тортишга чақирган.
Ҳисоботга кўра, Ҳиндистоннинг Гужарат штатида 500 га яқин масжид ва зиёратгоҳлар бузиб ташланган.
Мавзуга доир: Ҳинд миллатчилари томонидан вайрон қилинган Бобур масжиди
Изоҳ (0)