Беларусь президенти Александр Лукашенко махсус хизматларга, хусусан, Беларусь Давлат хавфсизлик қўмитасига ишончсизлик туфайли янги қўриқчилар бўлинмасини тузди. Бу ҳақда Украина Миллий қаршилик маркази хабар берди.
Маълум қилинишича, Лукашенко Беларусь махсус хизматларига ишончсизлик туфайли шахсий қўриқчиларини кучайтирмоқда.
«Беларусь президентини унга суиқасд қилиниши ҳақидаги маълумотлар фонида ўзининг махсус хизматларини давлатга хиёнат қилишда гумон қилмоқда. Гап Беларусь Давлат хавфсизлик қўмитаси ҳақида бормоқда. Шу боис Лукашенко мамлакатдаги хусусий қўриқлаш ширкати вакилларидан иборат янги шахсий қўриқчилар бўлинмасини тузди», — дейилади хабарда.
Аввалроқ Беларусда президентликка собиқ номзод Андрей Дмитриев ҳибсга олингани ҳақида хабар берилганди. Унинг ҳибсга олиниши сабаби номаълумлигича қолмоқда, Дмитриевнинг ўзи телефонга жавоб бермаяпти.
Дмитриев 2020 йилги президентлик сайловларида Беларуснинг амалдаги президенти Александр Лукашенконинг тўрт нафар рақибидан бири эди. Мамлакат Марказий сайлов комиссиясига кўра, у 1,2 фоиз овоз олган. Сайлов кампанияси давомида у мухолифатчиларни ёқлаб чиққан.
Изоҳ (0)