Россиялик ёзувчи Александр Гриннинг романи асосида суратга олинган афсонавий «Алвон елканлар» фильми ўз даврида кинохит даражасига чиқди. Ассол ролини кинокартина премьерасидан кейин катта машҳурликка эришган актриса Анастасия Вертинская ўйнади. «Киноафиша» нашри актрисанинг карьераси нима сабабдан муваффақиятсизликка учрагани ҳақидаги маълумотларни тақдим этди.
Кўп жиҳатдан, ушбу кинокартина муваффақиятини таъминлаган нарса — ёш актрисанинг бенуқсон гўзаллиги эди. Бироқ чиройли ташқи кўриниш актриса учун нафақат унинг ўзига хос белгиси бўлишига, балки муваффақиятсизликка учрашига ҳам сабаб бўлди. Вертинская ёшлигида ҳеч қачон ўзининг гўзаллиги билан мақтанмаган. У ҳатто биринчи планга чиқмаслик учун эътиборни тортмайдиган ролларни ўйнашга рози бўлди, бироқ у жуда камдан кам ҳолларда бундай таклифларни олар эди: актрисанинг ташқи кўриниши эпизод роллар учун жуда аристократик деб ҳисобланган.
Ёш ўтиши билан Вертинскаянинг юзида сезиларли ўзгаришлар бўлди ва бунинг сабаби эса пластик операцияга бўлган иштиёқ эди. Актриса илк бор юзидаги ажинларни олиб ташлаш учун пластик операцияни бошдан кечирганда 50 ёшдан ошган эди. Юз терисини торттириш актрисани ёшартирди, аммо янгиланган Вертинскаяда эски гўзалликни кўриб бўлмасди.
Вертинскаянинг имзосига айланган, «диққатга сазовор бўлган» хусусияти йўқолганди ва у яна бир пластик жарроҳлик амалиётини ўтказганга ўхшар эди: актрисадаги шишган юз, ғайритабиий силлиқ тери, бузилган юз ифодалари шуни англатарди. Бундан ташқари, Вертинская барча муваффақиятсиз метаморфозалардан кейин фильмларда суратга тушишни тўхтатди. Ассолдаги абадий ёшлик пойгаси мана шундай бўлди.
Изоҳ (0)