Rossiyalik yozuvchi Aleksandr Grinning romani asosida suratga olingan afsonaviy “Alvon yelkanlar” filmi o‘z davrida kinoxit darajasiga chiqdi. Assol rolini kinokartina premyerasidan keyin katta mashhurlikka erishgan aktrisa Anastasiya Vertinskaya o‘ynadi. “Kinoafisha” nashri aktrisaning karyerasi nima sababdan muvaffaqiyatsizlikka uchragani haqidagi ma’lumotlarni taqdim etdi.
Ko‘p jihatdan, ushbu kinokartina muvaffaqiyatini ta’minlagan narsa — yosh aktrisaning benuqson go‘zalligi edi. Biroq chiroyli tashqi ko‘rinish aktrisa uchun nafaqat uning o‘ziga xos belgisi bo‘lishiga, balki muvaffaqiyatsizlikka uchrashiga ham sabab bo‘ldi. Vertinskaya yoshligida hech qachon o‘zining go‘zalligi bilan maqtanmagan. U hatto birinchi planga chiqmaslik uchun e’tiborni tortmaydigan rollarni o‘ynashga rozi bo‘ldi, biroq u juda kamdan kam hollarda bunday takliflarni olar edi: aktrisaning tashqi ko‘rinishi epizod rollar uchun juda aristokratik deb hisoblangan.
Yosh o‘tishi bilan Vertinskayaning yuzida sezilarli o‘zgarishlar bo‘ldi va buning sababi esa plastik operatsiyaga bo‘lgan ishtiyoq edi. Aktrisa ilk bor yuzidagi ajinlarni olib tashlash uchun plastik operatsiyani boshdan kechirganda 50 yoshdan oshgan edi. Yuz terisini torttirish aktrisani yoshartirdi, ammo yangilangan Vertinskayada eski go‘zallikni ko‘rib bo‘lmasdi.
Vertinskayaning imzosiga aylangan, “diqqatga sazovor bo‘lgan” xususiyati yo‘qolgandi va u yana bir plastik jarrohlik amaliyotini o‘tkazganga o‘xshar edi: aktrisadagi shishgan yuz, g‘ayritabiiy silliq teri, buzilgan yuz ifodalari shuni anglatardi. Bundan tashqari, Vertinskaya barcha muvaffaqiyatsiz metamorfozalardan keyin filmlarda suratga tushishni to‘xtatdi. Assoldagi abadiy yoshlik poygasi mana shunday bo‘ldi.
Izoh (0)