Машҳур тарихий шахсларнинг невара, эвара ва чевараларининг қандайлиги кўпчиликни қизиқтиради. Баъзи машҳур кишиларнинг авлодлари аждодлари изидан борган бўлса, бошқалари бутунлай бошқа йўлни танлаган.
Алберт Эйнштейннинг эваралари — Томас ва Пол Эйнштейн
Эйнштейннинг эвараси Томас тиббиёт мактабини тамомлаган. Бугунги кунда Лос-Анжелесдаги амбулатор жарроҳлик клиникасини бошқаради ва тўртта тилда гаплаша олади. Пол эса бобосининг изидан кетишни истамаган, у илм-фан ўрнига санъатни танлаган. Скрипка чалиш билан шуғулланадиган Пол айни вақтда Францияда яшайди.
Элвис Преслининг набираси — Райли Кио
Хонанда ва унинг рафиқаси Приссилланинг тўнғич набираси онасининг изидан кетиб, киносаноатда карьера қилишга қарор қилган. У «Телба Макс: Ғазаб йўли» фильмида суратга тушган.
Эрнест Ҳемингуэйнинг эвараси — Дри Ҳемингуэй
1987 йилда туғилган қиз айни вақтда Америкада моделлик ва актрисалик билан шуғулланади. Дри турли машҳур моделлик агентликлари ва брендлар билан ҳамкорлик қилган. Gucci, Valentino, H&M брендлари шулар жумласидан.
Чарли Чаплиннинг набираси — Уна Чаплин
«Тахтлар ўйини» фильмида Робб Старкнинг қайлиғи ролини ижро қилган Уна Қироллик академиясининг драматик санъат йўналишини тамомлаган. Ҳозирда 35 ёшли актрисанинг карьераси айни гуллаган пайти.
Иосиф Сталиннинг набираси — Крис Эванс
Сталиннинг кенжа қизи Светлана Аллилуеванинг фарзандига Ольга деб исм қўйилган, аммо исмини ёқтирмаган қиз уни ўзгартиришга қарор қилган. 2011 йил Daily Mail нашрига берган интервьюсида у онаси бутун ҳаёти давомида уни отаси билан боғламасликлари учун уринганини, бобосининг қилган ишлари онасига ёқимсиз бўлганини таъкидлаган.
Лев Толстойнинг эвараси — Илария Штилер-Тимор
Илариянинг бувиси Лев Толстойнинг тўнғич фарзанди бўлган.У Леонардо Албертини исмли итальянга турмушга чиққан. Жуфтлик уч нафар фарзандли бўлган ва улардан бири Илариянинг онаси бўлган. Толстойнинг исроиллик эвараси болалигидан машҳур бобоси ҳақида яхши билган.
Одри Хепбёрннинг набираси — Эмма Феррер
Бувисидан фарқли равишда актрисаликни танламаган Эмма Флоренциядаги санъат академиясида таҳсил олган. Машҳур актрисанинг набираси вояга етганидан кейин суратчилар, мода брендлари унга эътибор бериб, ҳамкорлик қилишни таклиф қила бошлаган. Бугунги кунда моделлик фаолияти билан шуғулланадиган Феррер Одри сингари хайрия ишларида ҳам фаол иштирок этиш билан бирга, UNICEF билан ҳамкорликда ишлайди.
Пабло Пикассонинг набираси — Диана Видмаер Пикассо
Диана бутун ҳаётини ижодга бағишлаган. У замонавий санъат билан шуғулланадиган тарихчи ҳисобланади. У бувасининг ижод намуналари ҳақида маълумот тўплайдиган DWP Editions номли тадқиқот компаниясига эгалик қилади.
Россия императори Николай I нинг эвараси — Николетта Консола Романова
Бугунги кунда таниқли италиялик актриса 2003 йилда «Менинг севгимни эсла» фильмида дебют қилган. У италиялик сиёсатчи Жузеппе Консоло ва княз Николай Романовнинг фарзанди Наталя Николаевна Романованинг қизи. 2016 йилда у Италиянинг Дамиани компанияси билан қироллик сулоласи заргарлик буюмларидан илҳомланган ҳолда «Романовлар» заргарлик буюмлари коллекциясини яратиш устида ишлай бошлади.
Изоҳ (0)