15 daqiqada tayyor bo‘ladigan mazali va to‘yimli 4 xil taom

Ba’zan ovqat pishirishga ko‘p vaqt sarflashni xohlamaysiz va yetkazib berish xizmatidan foydalanasiz, bu esa ortiqcha mablag‘ sarflashga sabab bo‘ladi. Britaniyalik oshpaz va The Telegraph sharhlovchisi Keti Beskou dunyo bo‘ylab to‘rtta original, oson tayyorlanadigan va eng muhimi, kechki ovqat yoki tushlikda iste’mol qilsa bo‘ladigan retseptlarni taqdim etdi.

Qo‘ziqorin qo‘shib tayyorlanadigan quymoqlar

To‘rt kishilik porsiya uchun kerakli masalliqlar: 

• qo‘ziqorin — 500 g
• 1 osh qoshiq Xitoy ziravorlar aralashmasi (Xitoy dolchini, qizilmiya, Sichuan qalampiri, chinnigullar va arpabodiyon urug‘lari)
• katta chimdim quritilgan va mayda to‘g‘ralgan chili qalampiri;
• bir chimdim dengiz tuzi;
• 1 qoshiq soya sousi;
• bug‘doy unidan tayyorlangan bir nechta tayyor (yoki muzlatilgan) quymoqlar;
• 5 qoshiq Xoysin sousi;
• biroz to‘g‘ralgan ko‘kpiyoz;
• 1 ta bodring.

1. Pechni 180 daraja haroratda oldindan qizdiring;
2. Barcha qo‘ziqorinlarni listga qo‘ying;
3. Ularga Xitoy ziravorlari aralashmasi, chili va dengiz tuzi, soya sousini seping.
4. Qo‘ziqorinlarni 10-12 daqiqa davomida pechda pishirib oling.
5. Bu orada quymoqlarni bug‘da yoki qizdirilgan idishda qizdiring.
6. Pishgan qo‘ziqorinlarni ko‘kpiyoz, bodring va Xoysin sousi bilan aralashtiring.
7. Quymoqlarning ichiga qo‘ziqorinlarni solib dasturxonga tortishingiz mumkin.

To‘rt kishilik porsiya uchun kerakli masalliqlar:

• 2 qoshiq zaytun yog‘i
• 1 dona mayda to‘g‘ralgan piyoz;
• 1 bosh maydalangan sarimsoq;
• yarim choy qoshiq maydalangan dolchin;
• yarim choy qoshiq dudlangan paprika;
• yarim choy qoshiq quritilgan oregano;
• 400 g konservalangan pomidor;
• yarmidan kesilgan 4 ta katta pomidor;
• 400 g konservalangan yashil yasmiq (suvini bankadan to‘kib tashlang va yuving);
• 1 qoshiq xamirturush ekstrakti;
• bo‘laklarga bo‘lingan 2 ta baqlajon;
• 8 qoshiq shakarsiz yogurt;
• bir chimdim muskat yong‘og‘i;
• bir chimdim dengiz tuzi;
• biroz mayda to‘g‘ralgan petrushka.

1. Katta idishda 1 qoshiq zaytun moyini o‘rtacha olovda qizdiring va piyozni solib ikki-uch daqiqa davomida qovuring.
2. Unga sarimsoq, dolchin, qizil qalampir va oregano qo‘shing va aralashtirib, yana bir daqiqa pishiring.
3. Idishga konservalangan pomidor, yasmiq, xamirturush ekstrakti qo‘shing va 10 daqiqa davomida pishiring.
4. Gril idishini qizdiring, baqlajon bo‘laklariga qolgan zaytun yog‘ini surting va ularni tovaga soling. Baqlajonlarni ikki-uch daqiqa davomida har tomonidan qovuring.
5. Tovaga pomidorlarni soling va uni ham bir daqiqaga yaqin vaqt davomida qovuring.
6. Pishirilgan yasmiqlarni baqlajon bo‘laklari va pomidorning yarmi bilan birga tarelkalarga joylashtiring.
7. Taomning ustiga yogurt solib, muskat yong‘og‘i, dengiz tuzi va petrushka sepib dasturxonga torting.

Kerakli masalliqlar: 

• 2 ta bug‘doy unidan tayyorlangan tortilla
• 1 qoshiq zaytun moyi;
• 1 o‘simlik yog‘i;
• 1 dona mayda to‘g‘ralgan oq piyoz;
• 1 dona mayda to‘g‘ralgan qizil qalampir;
• 1 dona mayda to‘g‘ralgan sariq qalampir;
• ta’bga ko‘ra yashil loviya;
• 1 qoshiq chili qalampiri kukuni;
• 1 qoshiq dudlangan paprika;
• yarim choy qoshiq sarimsoq kukuni;
• yarim choy qoshiq maydalangan zira;
• 1 choy qoshiq xamirturush ekstrakti;
• 1 banka (400 g) konservalangan qizil loviya (suvini to‘kib tashlang va loviyani yuving);
• yarmidan kesilgan 6 dona cherri pomidori
• 1 ta mayda to‘g‘ralgan avokado;
• 1 kichik mayda to‘g‘ralgan yashil chili qalampiri;
• 1 ta laym sharbati;
• biroz to‘g‘ralgan kinza;
• bir chimdim dengiz tuzi.

1. Pechni 200 daraja haroratda oldindan qizdiring.
2. Tortillalarni kichik uchburchak shaklida kesib oling va listga joylashtiring (agar siz mahsulotlarni dasturxonga tortayotgan paytda solsangiz, ularni kesmang). Unga zaytun yog‘ini soling va qizargunga qadar 8-10 daqiqa davomida pishiring.
3. Shuningdek, bu vaqt oralig‘ida o‘simlik yog‘ini katta idishlarda o‘rtacha olovda qizdiring va piyoz, qalampirni (qizil va sariq) ikki-uch daqiqa davomida qovuring.
4. Keyin tovaga yashil loviya, chili kukuni, dudlangan paprika, sarimsoq kukuni va zirani soling. Ularni taxminan bir daqiqa davomida pishiring.
5. Mahsulotlarga xamirturush ekstrakti, qizil loviya qo‘shing va yana 10 daqiqa qaynatib oling.
6. Tovani olovdan oling va taomga cherri pomidorlari, avokado va yashil qalampir soling. Ustidan laym sharbatini quying.
7. Taomni tarelkalarga soling va chetiga uchburchak shaklidagi tortillalarni qo‘ying (agar tortillalar butun bo‘lsa, unga sabzavot aralashmasini solib o‘rang).
8. Ta’bingizga qarab har bir mahsulotga kinza va dengiz tuzini qo‘shing.

Kerakli masalliqlar:

• 1 qoshiq zaytun yog‘i;
• 1 dona mayda to‘g‘ralgan oq piyoz;
• 1 osh qoshiq tomat pastasi;
• 2 choy qoshiq xarissa (chili qalampiri, sarimsoq va ziravorlardan tayyorlangan achchiq xamir);
• 1 dona yopilgan non;
• bir hovuch ismaloq barglari;
• 1 osh qoshiq qarag‘ay yong‘oqlari;
• 1 osh qoshiq anor urug‘i;
• bir hovuch to‘g‘ralgan petrushka;
• ta’bga ko‘ra limon sharbati.

1. Qizdirilgan idishda zaytun moyini o‘rta olovda qizdiring va piyozni qizargunga qadar sakkiz daqiqa davomida qovuring.
2. Pechni 200 daraja haroratda oldindan qizdiring.
3. Tomat pastasi va xarissani aralashtiring. Ushbu aralashmani nonning ustiga yoyib, listga qo‘ying.
4. Ustiga ismaloq barglarini solib, qolgan qismiga zaytun moyini soling.
5. Qovurilgan piyoz va qarag‘ay yong‘oqlarini keyingi qatlamga yoying.
6. Pitssani besh-olti daqiqa davomida pishiring, so‘ng uni pechdan oling va ustiga anor urug‘i, petrushkani seping.
7. Taomni dasturxonga tortishdan oldin ustiga limon sharbatini seping.

• Tovuq go‘shti, ismaloq va pishloq qo’shib tayyorlanadigan yegulik retsepti.
• Mol go‘shti, no‘xat va sabzi qo‘shib tayyorlanadigan mazali salat retsepti.
• Tovuq go‘shtli, olmali: Olivye salatining 4 xil noodatiy retsepti.
• Yasmiq qo‘shib turkcha qovoqli sho‘rva tayyorlaymiz.