Samarqand shahrida 2023-yilning 16 va 17-sentabr kunlari “Challenge Samarkand” sport festivali bo‘lib o‘tadi.
Ushbu festivalga bag‘ishlab, “Milliy matbuot uyida” matbuot anjumani bo‘lib o‘tdi.
“Challenge Samarkand” – “Challenge Family” xalqaro brendi tarkibiga kiruvchi triatlon poygasi hisoblanadi.
“Challenge Family” dunyoning 30 ta davlatida triatlon bo‘yicha turli masofaga o‘tkaziladigan musobaqalarning jahondagi eng mashhur brendlaridan biri. Umuman olganda, “Challenge Family” poygalarida har yili 50 000 dan ortiq ishtirokchi qatnashadi.
Bu “Challenge Family” brendi ostida Markaziy Osiyodagi birinchi va yagona triatlon poygasidir. Bu shunchaki poyga emas, bu eng yuqori darajadagi xalqaro festival, unda hamma ishtirok etishi mumkin. Professional triatlonchilar, boshlang‘ich triatlonchilar, ayollar, bolalar, har qanday darajadagi tayyorgarlikka ega bo‘lgan har bir kishi sport bayrami muhitiga kirishi mumkin.
Izoh (0)