«Тоттенҳэм» бош мураббийи Антонио конте ёзда ўз лавозимини тарк этиши мумкин.
Daily Mail нашрининг хабар қилишича, «шпорлар» раҳбарияти жамоанинг ҳозирги жисмоний ҳолатида норози ва италиялик мутахассиснинг клубдаги келажаги номаълум бўлиб турибди.
53 ёшли мутахассиснинг «Тоттенҳэм» билан амалдаги шартномаси 2023 йилнинг ёзига қадар мўлжалланган. Унда битимни бир йилга узайтириш ҳақидаги банд ҳам бор. Агар жамоанинг натижалари яхши томонга ўзгармаса клуб келишувни узайтиришдан воз кечиши мумкин.
Лондон жамоаси АПЛ доирасидаги сўнгги 9 ўйинда 5 марта мағлубиятга учради. Айни вақтда Конте шогирдлари 5-поғонада бормоқда.
Изоҳ (0)