Қашқадарё вилояти Яккабоғ туманида 17 январь куни сув тошди. Бу ҳақда вилоят Фавқулодда вазиятлар бошқармаси ахборот хизмати хабар берди.
Маълум бўлишича, ҳодиса соат 15:30 да туманнинг «Самор» маҳалласида содир бўлган. Ҳолат ўрганилганда аҳоли ўзбошимчалик билан Қизилдарё дарёсидан фойдаланиши аниқланган.
Одамларнинг сув тақсимлагични очиши қишлоқ ички каналларидан сувнинг тўлиб оқишига сабаб бўлган. Қолаверса, муз бўлаклари тўпланиб, сув йўналишининг ўзгаришига олиб келган. Ҳодиса оқибатида ҳеч ким тан жароҳати олмаган, фуқароларнинг ҳеч бир бино-иншоотлари ва мол-мулкига зиён этмаган.
Мавзуга доир:
Изоҳ (0)