Ўзбекистон президентининг Сингапурга расмий ташрифи арафасида бўлиб ўтган икки давлат тадбиркорлари ўртасидаги ишбилармонлик алоқаларини ҳар томонлама мустаҳкамлашга қаратилган Ўзбекистон—Сингапур бизнес-форумида Сингапурнинг PSA International компанияси бош директори Ван Чи Фо интервью берди.
Унинг сўзларига кўра, компанияни Ўзбекистон билан ҳамкорлик қилишини эшитган одамлар ундан ҳайратланиб, «у ерда океан йўқ, денгиз йўқ, портлар йўқ, нега ҳамкорлик қилмоқчисизлар?», деб сўрашган.
«Биз Ўзбекистон билан порт масаласида эмас, рақамли платформа ва логистика соҳаси бўйича ишламоқчимиз. Ҳозиргина жаноб Қудратов Ўзбекистон иқтисодиётида катта ўзгаришлар рўй бераётганини айтди.
Менимча, бу ерда мультимодал транспортга чамбарчас боғланган ва энг муҳими, саноат билан интеграциялашган таъминот занжирларига эҳтиёж юқори. PSA эса бу борада ёрдам беради. Бу ерда PSA глобал алоқа тармоғини улаш орқали қиймат қўшишимиз мумкин.
2022 йилда PSA VDP International деб номланган учта PL’га эга глобал логистика компаниясини сотиб олди ва у бугунги кунда у глобал юк ташиш тармоғи ва таъминот занжири ечимлари имкониятига эгалиги билан танилган. PSA нафақат уланишни таъминлай олади, балки Ўзбекистон ва унинг иқтисодиётига зарур бўлган самарадорликни таъминлашни тартибга солиш қобилиятига эга», — деди Ван Чи Фо.
Қайд этиш лозимки, Сингапурнинг PSA International компанияси дунёдаги энг йирик логистика компанияси ҳисобланади.
Изоҳ (0)