Непалда ҳалокатга учраган йўловчи самолёти учувчиси Анжу Хатидава бундан 16 йил аввал шунга ўхшаш ҳолатда вафот этган учувчининг беваси бўлган. Бу ҳақда Reuters хабар бермоқда.
Ети Airlines авиакомпанияси вакили Сударшан Бартаул айтишича, 44 ёшли Анжу Хативада Катмандуман учиб чиққан ва Покхара шаҳрига парвоз қилиш чоғида қулаб тушган самолётнинг иккинчи учувчиси бўлган. Авария оқибатида бортдаги 72 кишининг барчаси ҳалок бўлган.
«Унинг турмуш ўртоғи Дипак Похрел 2006 йилда Ети Airlines авиакомпаниясининг Тwин Оттер самолёти Жумлада қулаб тушиши оқибатида ҳалок бўлган эди», — деди Бартаул. Ўшанда кичик йўловчи самолёти қўнишга бир неча дақиқа қолганида ҳалокатга учраганди.
Бартаул қўшимча қилишича, Хативада «эрининг ўлимидан кейин суғуртадан олган пулларига учувчиликка ўқиган». Авиакомпания вакили таъкидлашича, Хативаданинг жасади топилганича йўқ, аммо у ҳалок бўлган, деб ҳисобланилмоқда.
Непалдан учган ATR 72 йўловчи самолёти 15 январь куни Непал пойтахти Катмандудан Похарага парвоз қилган ва қўниш чоғида ҳалокатга учраган. Парвозни амалга оширган Ети Airlines авиакомпаниясининг барча 68 йўловчиси ва 4 нафар экипаж аъзоси ҳалок бўлган.
Йўловчилар орасида: 53 нафар непал, беш нафар ҳинд, тўрт нафар рус, икки нафар корейс, Ирландия, Аргентина, Австралия ва Франциядан биттадан фуқаро бўлган. Ҳолат юзасидан Непал ҳукумати бир кунлик миллий мотам эълон қилган. Франциянинг АФП агентлиги Каски тумани раҳбари ўринбосари Гурудатта Дхакалга таяниб, авиаҳалокатда тирик қолганлар борлигини айтмоқда.
Непал News нашри хабарларига кўра, воқеа жойида 68 кишининг жасади топилган, тўрт киши бедарак йўқолган деб ҳисобланмоқда.
Изоҳ (0)