Машҳур киноактёрлар орасида биргина роли билан дунё бўйлаб машҳурликка эришганлари ҳам бор, шунингдек, айримлар ўзига катта машҳурлик келтирган фильмларни эмас, балки бошқа кинокартиналарда ўзига ёққан ролларни ижро этганини таъкидлаган. The Voice нашри машҳурларнинг севимли роллари ҳақида маълумот берди.
Мэттью Мак-Конахи
Кўплаб томошабинлар Мэттьюни «Даллас харидорлар клуби», «Жентелменлар» фильмларидаги ва «Ҳақиқий детектив» сериалидаги ролларини яхши кўради. Актёр эса ҳали ҳам 1993 йилда намойиш этилган «Роҳатланган ва саросимага тушган» фильмидаги Ричард Линклатер ролини ўзининг энг яхши иши деб билади.
Бу фильм ҳақида эшитмаган бўлишингиз мумкин, бироқ кинокартина машҳурликка эришди. Квентин Тарантино уни барча даврларнинг 12 та энг яхши фильмлари рўйхатига киритди.
Арнольд Шварценеггер
Арнольд Шварценеггер «Терминатор», «Тозаловчи», «Тутқич бермаслар» фильмларидаги ролларини эмас, 1990 йилда намойиш этилган «Болалар боғчасидаги полициячи» кинокартинасидаги детектив Жон Кимбл ролини яхши кўришини айтган. Бундан ташқари, 1988 йилда Дэнни DeVito компанияси томонидан тақдим этилган «Эгизаклар» фильми ҳам актёрнинг яхши кўрган кинокартиналаридан ҳисобланади.
Жонни Депп
Голливуд юлдузи Жонни Деппнинг энг севимли роли Жек Читтак ёки Суини Тодд эмас, бу рол 2000 йилда «Тезкор шоу» телесериалининг махсус эпизодидаги камео — қисқача кўриниши ҳисобланади. Маълум бўлишича, актёр британ ҳазилининг ашаддий мухлиси ва ўзининг севимли сериалида пайдо бўлишини ўзининг энг катта ютуқларидан бири деб билади.
Киану Ривз
Киану Ривз севимли ролини «Матрица», «Жон Уик» фильмида ижро этмаган. Актёр 2005 йилда тақдим этилган «Константин: Зулматлар ҳукмдори» фильмидаги психопатик қотил Жон Константин ролини ҳанузгача носталжи билан эслайди.
Гери Олдмен
Гери «Бешинчи элемент», «Дракула», «Леон» каби машҳур фильмларда ўйнаган. Бироқ актёр ўз фаолиятидаги энг яхши ролни 1991 йилда намойиш этилган «Жон Кеннеди» фильмидаги Ли Харви Освалд деб ҳисоблайди. Режиссёр ўз характерини гавдалантиришда унга кенг йўл берди ва Олдмен ишончдан мамнун бўлди.
Виола Дэвис
«Қотиллик учун жавобгарликдан қандай қутулиш мумкин?» фильмида рол ўйнаган ва «Тўсиқлар»даги Роуз Максон роли учун «Оскар» мукофотини қўлга киритган актриса бу ролларидан унчалик фахрланмайди. У 2003 йилда «Қонун ва тартиб» сериалида эпизодик ролни ижро этди ва буни ўзининг асосий ютуғи деб билади, чунки унинг қора рангли терига эга экани ўша пайтда оқ танлилар ҳақидаги сериалларда рол ўйнашига тўсқинлик қилмади.
Мерилин Монро
Афсонавий актриса Мерилин Монронинг яқин дўстларининг сўзларига кўра, у кўпинча «Жаззда фақат қизлар» каби машҳур фильмларини эмас, 1950 йилда намойиш этилган «Асфальт жунгли» фильмидаги Анжела Финлай эпизодик ролини эслаган. Уларнинг айтишича, у ҳеч қачон камера қаршисида бундай эркинликни ҳис қилмаган.
Мавзуга доир:
- «Етарлича идеал эмас»: ташқи кўриниши туфайли кастингдан ўтолмаган машҳурлар (фото).
- Ишдан ҳайдалган Madoнна, ухлаб қолгани учун актриса бўлган Мерил Стрип, уйида шер ва фил боққан Мелани Гриффит — машҳурлар ҳақида сиз билмайдиган қизиқарли фактлар.
- Машҳурлар қандай уйларда яшайди? Энг замонавий уйларнинг бетакрор интерьерлари.
- Майкл Жексон, Николас Кейж ва бойлигини бирданига йўқотиб, камбағалга айланган бошқа бадавлат машҳурлар (фото).
Изоҳ (0)