Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Феруза Жуманиёзова Ички ишлар ансамбли ташкил топганининг 30 йиллик муносабати билан эсдалик соат билан тақдирланди.
Шунингдек, хонанда янги суратини ҳам фолловерларига намойиш қилди.
Хонанда Малика Равшанова тўй хизматларининг бирида қўшиқ куйлаётганида чироқ ўчиб қолди ва у вазиятдан чиқиб жонли куйлашда давом этди.
Актриса Райҳон Асадова Мумбайда тушган янги сурати билан кўриниш берди.
Хонанда Лола оила аъзолари билан тоққа йўл олгани акс этган видеони саҳифасига жойлади.
«Браво» кулги жамоаси аъзоси Шаҳло Зоирова саҳифасига актриса Асал Шодиева билан тушган суратини жойлади.
Нилуфар Усмонова Ватан ҳимоячилари байрами муносабати билан созандаларига икки кун дам олиш куни берганини маълум қилди.
Шунингдек, хонанда уйида газ ва «свет» йўқлиги сабабли меҳмонхонада яшаётгани ҳақида мухлисларига гапириб берди.
«Браво» кулги жамоаси аъзоси Отабек Мирзахолов ўғли билан бир клипда суратга тушганини маълум қилди.
Раққоса Паризода тонгни фарзандлари ва яхши кайфият билан бошлаши ҳақида обуначиларига айтди.
У, шунингдек турмуш ўртоғини Ватан ҳимоячилари куни билан таъсирли тарзда табриклагани акс этган видеони саҳифасига жойлади.
Паризода турмуш ўртоғи билан Истанбулда тушган суратини ҳам мухлисларига кўрсатди.
Хонанда Ҳосила Раҳимова АҚШдаги салкам бир ойлик саёҳатини якунлаб, Тошкентга қайтиб келди.
Хонанда Юлдуз Турдиева ҳамкасблари Зиёда ва Машҳурбек билан ўн йил олдин тушган архив суратини фолловерларига намойиш қилди.
Ижтимоий тармоқларда Тошкентдаги тўйхоналарда «свет» ўчганига қарамай тўйлар давом эттирилгани акс этган видеолар тарқалмоқда.
Хонанда Бунёдбек Саидов фарзандлари билан вақт ўтказгани акс этган видеони мухлислари билан бўлишди.
Актриса Дурдона Қурбонова мухлисларига янги суратини кўрсатди.
Актёр Муҳаммадисо Абдулхаиров «свет» ва газ йўқлигини ўзига хос юмор билан танқид остига олиб, муносабат билдирди.
«Нечанчи асрда яшаётганимизга иккиланиб қоляпман. Учинчи асрдамизми ёки тўртинчими? Сабаби ўша вақтларда ҳам шунақа ўтирилган: «свет», газ, интернет бўлмаган. Давом эттиринглар, халқнинг дуосини оляпсизлар. Бизга газ, «свет» керак эмас, қуёшни ҳам тўсиб қўйинглар, у ҳам керак эмас», — дейди Муҳаммадисо Абдулхаиров.
Актриса, дизайнер Шаҳзода Муҳаммедова Парижда бўлиб ўтадиган модалар кўргазмасига тайёргарлик кўраётганини маълум қилди.
Хонанда Муниса Ризаева совуқ об-ҳавода тўй хизматларига йўл олгани акс этган видеони обуначиларига тақдим этди.
Зарина Низомиддинова Москва шаҳрида тушган суратини обуначиларига кўрсатди.
Актриса Луиза бугун ҳам ўзининг меҳр улашиш акциясини давом эттириб, ободонлаштириш ходимларига егулик тарқатди.
Актриса Машҳур Зулфиқорова ҳам янги сурати билан кўриниш берди.
Хонанда Дилноз Ҳакимова «Хўжа» гуруҳининг «Муҳаббатимсан» таронасини қайта куйлаб мухлисларига тақдим этди.
Мавзуга доир:
- Instagram: Қизалоғини туғуруқхонадан олиб чиққан Жаҳонгир Хўжаев, 60 кишига егулик тарқатган Луиза Расулова, синглиси учун сюрприз тайёрлаган Озода Нурсаидова.
- Instagram: Илк марта ота бўлган Жаҳонгир Хўжаев, турмушга чиққан Дилдора Зокирова, қорни ёқтирмайдиган Райҳон
- Instagram: Тўртинчи бор она бўлган 38 ёшли актриса, туғилган кунини нишонлаётган Азиза Халилова, Умра сафаридаги машҳурлар.
- Instagram: Мурод Ражабовни йўқлаган Алишер Узоқов, отасига янги уй совға қилган Ҳамдам Собиров, «Сетора» хонандаси Комила Хўжаева оиласидаги мусибат.
Изоҳ (0)