Футбол бўйича Англия Премер Лигасининг 20-турида «Тоттенҳэм» ва «Арсенал» жамоалари 15 январь, якшанба куни ўзаро тўқнаш келди.
Учрашувнинг 14-дақиқасида Букайо Саканинг жарима майдони ичига узатмасидан кейин тўп «шпорлар» посбони Уго Льорисга тегиб, дарвозадан жой олди. 36-дақиқада Мартин Эдегор узоқ масофадан гол уриб, ҳисобни ишончли кўринишга келтирди.
Қолган вақтда ҳар икки томонда голга тортадиган қатор вазиятлар бўлди, бироқ ҳисоб бошқа ўзгармади.
«Арсенал» ушбу ғалаба эвазига очколарини 47 тага етказиб, пешқадамликни мустаҳкамлади. «Канонирлар» энг яқин таъқибчи «Манчестер Сити»ни (39) 8 очкога ортда қолдирмоқда.
20-турдан кейин мусобақа жадвали қуйидаги кўринишни олди:
АПЛ
20-тур баҳси
15 январь, якшанба
«Тоттенҳэм» — «Арсенал» 0:2
Голлар: 0:1 – 14, автогол Льорис, 0:2 – 36 Эдегор.«Тоттенҳэм»: Льорис, Доэрти (Ришарлисон, 71), Дайер, Лангле (Дэвис, 88), Ромеро, Сессеньон (Перишич, 76), Ҳёйбьерг, Кулусевски (Хил, 88), Сарр (Биссума, 76), Сон Ҳён Мин, Кейн.
«Арсенал»: Рэмсдейл, Уайт, Габриэль, Салиба, Зинченко (Томиясу, 86), Жака, Парти, Эдегор, Сака, Нкетиа, Мартинелли (Тирни, 79).
Огоҳлантиришлар: Ромеро (35), Сессеньон (45), Сарр (53), Мартинелли (70), Дайер (72), Габриэль (90).
Изоҳ (0)