Карло Анчелотти: «Реал» футболчилари 2013 йилдан буён ғалаба қозониб келмоқда, лекин ҳамон совринларга чанқоқлиги йўқолмаган

«Реал» бош мураббийи Карло Анчелотти Испания Суперкубоги финалидан олдин ўз фикрларини билдириб ўтди.

«Реал» футболчилари ғалабалардан тўйган, деган гаплар тўғри эмас. Гап 2013 йилда ғалабаларни бошлаган футболчилар ҳақида. Улар ҳамон совринларга чанқоқ. Футболчилар психологик жиҳатдан жуда кучли. «Реал»да талаблар юқори. Бу ерда барча нарсага эришганлик ҳақида ўйлаш мумкин эмас.

Майдоннинг ҳолати ёқди. У ерда яхши ўйин кўрсатиш мумкин. Бизда муаммолар етарлича эди. Тезкорлик эвазига «Барселона»ни ютиш мумкин ёки мумкин эмаслигини билмайман. Ғалаба учун ажойиб ўйин кўрсатиш лозим. Ҳа, ажойиб ўйин. Тезкорлик — ғалаба калити эмас.

Мени энг хавотирга соладигани ҳимоя. «Валенсия»га қарши зўр ўйнадик, бироқ гол... Бу бошқа қайтарилмайди деб ўйлайман.

Мураббийлар соврин юта олмагани учун танқидга учрашу ҳақида

Мағлубиятга учраса, барча айб мураббийда бўлади. Хави бу ҳақида жуда яхши билади.

Карло Анчелотти, «Реал» бош мураббийи