Футбол бўйича Англия Премер Лигасининг 20-туридан ўрин олган ўйинда «Манчестер Юнайтед» 14 январь, шанба куни «Манчестер Сити» билан баҳс олиб борди.
Учрашувнинг биринчи бўлимида дарвозалар ишғол этилмади. Иккинчи бўлимда эса голли вазиятлар юз берди. Дастлаб, 57-дақиқада Фил Фоден ўрнига майдонга тушган Жек Грилиш орадан 3 дақиқа ўтиб, Кевин де Брюйненинг узатмасини голга айлантирди.
78-дақиқа Бруну Фернандеш мувозанатни тиклади. Орадан 4 дақиқа ўтиб, Маркус Рэшфорд манкунианликларнинг иккинчи голига муаллифлик қилди.
Эрик тен Ҳаг шогирдлари ушбу ғалабадан сўнг очколарини 38 тага етказиб, 3-ўринга кўтарилиб олди. Пеп Гвардиола жамоаси 39 очко билан 2-поғонани банд этган.
АПЛ
20-тур баҳси
14 январь, шанба
«Манчестер Юнайтед» — «Манчестер Сити» 2:1
Голлар: 0:1 – 60 Грилиш, 1:1 – 78 Бруну Фернандеш, 2:1 – 82 Рэшфорд.«Манчестер Юнайтед»: Де Хеа, Уан-Биссака, Варан, Шоу, Маласиа (Мартинес, 90), Эриксен (Гарначо, 72), Каземиро (Мактоминей, 90), Фред, Бруну Фернандеш, Марсьяль (Антони, 46), Рэшфорд (Магуайр, 90).
«Манчестер Сити»: Эдерсон, Уокер, Аке, Аканжи, Жоау Канселу, де Брюйне, Бернарду Сильва, Родри, Фоден (Грилиш, 57), Маҳрез, Ҳоланд.
Огоҳлантиришлар: Эриксен (64), Фред (88), Каземиро (89).
Изоҳ (0)