«Афросиёб» поездининг Тошкент—Бухоро—Тошкент йўналишида қатновчи учта рейси бекор қилинди. Бу ҳақда «Ўзтемир йўлйўловчи» матбуот хизмати хабар қилди.
Қайд этилишича, Ўзбекистонда кузатилаётган аномал совуқ об-ҳаво туфайли, йўловчи поездлар ҳаракат ҳавфсизлигини таъминлаш ва йўловчиларни ўз манзилларига етказиш давомида ноқулайликлар келиб чиқишини олдини олиш мақсадида ушбу йўналишда 13, 14, 15 январь кунлари амалга оширилиши лозим бўлган 3 та рейс бекор қилинади.
Йўловчилар ўз манзилларига етиб олиш мақсадида қуйидаги муқобил йўловчи поездлардан фойдаланиши мумкин:
- 12-сонли Тошкент—Бухоро («Шарқ»);
- 56-сонли Тошкент—Бухоро–Хива;
- 58-сонли Тошкент—Бухоро—Шовот;
- 72-сонли Тошкент—Бухоро—Олот;
- 125-сонли Андижон—Тошкент—Бухоро—Хива.
13 январь куни Бухоро—Тошкент йўналишидаги 765-сонли юқори тезликда ҳаракатланувчи электропоездда аномал совуқ об-ҳаво сабабли носозлик юзага келиб, тўхтаб қолганди. Йўловчиларни манзилга хавфсиз етказиб келиш мақсадида захира «Афросиёб» электропоезди жўнатилганди. «Ўзтемир йўлйўловчи» матбуот хизмати хавфсизликни таъминлаш мақсадида поездлар ҳаракат жадвалига ўзгартиришлар киритилишини маълум қилганди.
Изоҳ (0)