Жанубий Корея, агар КХДР билан муносабатлардаги вазият ёмонлашса, ўз ҳудудида хорижий ядро қуролини жойлаштириши ёки ўз ядросини ишлаб чиқиши мумкин. Бу ҳақда мамлакат президенти Юн Сок Ёл маълум қилди, деб хабар бермоқда Жанубий Кореянинг «Newsис» ахборот агентлиги.
Бу ҳақда Юн Сок Ёл Жанубий Корея мудофаа ва ташқи ишлар вазирлари билан учрашувда гапирди. Вазирларнинг ҳисоботини тинглаб, президент Сеулга ҳужум қилинган тақдирда «100 ва ҳатто 1000 баравар катта кўламда» жавоб қайтариш учун шундай ҳарбий куч яратишни буюрди.
«Агар Шимолий Кореянинг ядровий муаммоси жиддийлашса, биз Жанубий Кореяда тактик ядро қуролини жойлаштиришимиз ёки ўз ядро қуролимизни яратишимиз мумкин», — деди президент.
Унинг қўшимча қилишича, бунда «реал эҳтимолий вариантларни» танлаш муҳим.
Январь ойи бошида Юн Сук Ёл Сеул ва Вашингтон Америка ядровий қуроллари иштирокида қўшма машғулотлар ташкил этиш имкониятини муҳокама қилаётганини айтганди. «Ядро қуроллари АҚШга тегишли бўлса-да, разведка маълумотларини алмашиш, режалаштириш ва машқлар биргаликда амалга оширилиши керак», — деди у. Унинг сўзларига кўра, Вашингтон бу ташаббусга ижобий қарамоқда. Машғулотлар эса Жанубий Кореяга КХДРдан келаётган ядро таҳдидига тайёргарлик кўришда ёрдам бериши керак.
КХДР раҳбари Ким Чен Ин Сеул ва Вашингтон ўртасида қўшма машғулотлар ўтказиш режасини «катта хато» деб атади. У Пхеньян Жанубий Корея ҳарбий манёврларига жавобан ракеталар учираётганини айтди. Шунингдек, унинг сўзларига кўра, Қўшма Штатлар Жанубий Корея ва Япония иштирокида «НАТОнинг Осиё версияси»ни яратишга ҳаракат қилмоқда.
Изоҳ (0)