Қорақалпоғистоннинг Мўйноқ туманидан ўтувчи Амударёнинг қисми аномал совуқ таъсирида музлади.
Қорақалпоғистон гидрометеорология бошқармаси «Қизилжар» гидрологик постида 11 январь куни дарё суви музлагани акс этган видеони эълон қилди.
«Ўзгидромет» маълумотига кўра, 11 январь эрта тонгда Қорақалпоғистоннинг «Қўнғирот» кузатув станциясида ҳаво ҳарорати 26,7 даража совуққача тушган.
Нукусда эса минимал ҳаво ҳарорати қиймати 21,5 даража совуққа пасайди. Нукусда ўртача суткалик ҳарорат шу кун учун хос иқлимий меъёрий кўрсаткичидан 10 даража паст аномал совуқ кузатилди.
Изоҳ (0)