Ўзбекистонда ноқулай об-ҳаво шароити сабабли 10 январь куни қатор рейслар кечиктирилди, айримлари бекор қилинди. Бу ҳақда Uzbekistan Airports матбуот хизмати хабар берди.
Flydubai авиакомпаниясининг Дубай—Самарқанд йўналиши бўйича FDB769 рейси аэропортдаги ноқулай об-ҳаво шароити туфайли Навоий шаҳридаги муқобил аэродромга қўнган. Соат 05:04 да самолёт қайтиб Самарқандга учган.
Qanot Sharq авиакомпаниясининг HH756 Москва—Самарқанд йўналиши бўйича парвоз қилаётган самолёт аэропортдаги ноқулай об-ҳаво шароити туфайли Тошкентдаги муқобил аэродромга йўналтирилган.
Uzbekistan Airways’нинг HY9605 Самарқанд—Москва, HY639 Самарқанд—Санкт-Петербург йўналишидаги рейслари об-ҳаво шароити туфайли соат 15:00 га қолдирилди.
Flydubai авиакомпаниясининг Самарқанд—Дубай йўналиши бўйича FZ770 рейси эса соат 19:00 га кўчирилди.
Ҳозирда Самарқанд аэропортида учиш-қўниш йўлагини тозалаш ишлари муносабати билан ҳаво кемаларини қабул қилиш/жўнатиш бўйича вақтинчалик чекловлар жорий этилган.
Uzbekistan Airways’нинг Бухоро—Наманган—Бухоро йўналиши бўйича HY73/74 рейслари, Андижон—Самарқанд—Андижон йўналиши бўйича HY049/HY050 рейслари ноқулай об-ҳаво шароити туфайли бекор қилинди.
HY091/HY092 Тошкент—Андижон—Тошкент рейси ўзгартирилган жадвалга мувофиқ амалга оширилади. Тошкентдан учиш маҳаллий вақт билан соат 13:00 да амалга оширилади, Андижон аэропортига етиб келиш соат 14:00. Қайтиш рейси билан соат 16:20 га белгиланган.
Бундан ташқари, ноқулай об-ҳаво шароити сабабли Тошкент аэропортида қуйидаги йўловчи рейслари кечиктирилди:
- HY011 Тошкент—Нукус маҳаллий вақт билан 10:30 га қолдирилди;
- TK369 Тошкент—Истанбул маҳаллий вақт билан 10:35 га қолдирилди;
- HY271 Тошкент—Истанбул қатнови маҳаллий вақт билан соат 11:00 га қолдирилди;
- HY065 Тошкент—Термиз маҳаллий вақт билан соат 14:00 га қолдирилди.
HY9685 Тошкент—Сочи маҳаллий вақт билан 10:12 да жўнаб кетган.
Изоҳ (0)