Самарқанд шаҳридаги Регистон майдонида фуқароларнинг осойишталигини бузиб, майда безорилик содир қилган шахсга нисбатан 5 сутка маъмурий қамоқ жазоси тайинланди.
Вилоят ИИБ ахборот хизматига кўра, 29 декабрь куни соат 23:30 да фуқаро М.Ш. спиртли ичимлик истеъмол қилиб, жамиятда юриш-туриш қоидаларини қасддан менсимасдан, жамоат жойи бўлган Регистон майдонида фуқароларнинг осойишталигини бузиб, майда безорилик содир қилган.
Унга нисбатан Самарқанд вилояти ИИБ Хавфсиз туризмни таъминлаш бошқармаси томонидан терговга қадар текширув ҳаракатлари олиб борилиб, тўпланган ҳужжатлар жиноят ишлари бўйича Самарқанд шаҳар судига юборилган.
Судья О.Пардаев раислигида ўтган очиқ суд мажлисида ҳуқуқбузар М.Ш. Маъмурий-жавобгарлик тўғрисидаги кодекснинг 183-моддасида кўрсатилган маъмурий ҳуқуқбузарликни содир этган деб топилиб, унга нисбатан 5 (беш) сутка маъмурий қамоқ жазоси тайинланди.
Изоҳ (0)