Сурхондарё вилояти Сариосиё туманида 2 январь куни учта автомашина иштирокида йўл-транспорт ҳодисаси содир бўлди. Бу ҳақда Ички ишлар вазирлиги хабар қилди.
Қайд этилишича, ЙТҲ шу куни соат 23:20 атрофида Сариосиё тумани «Шабнам» маҳалласидан ўтган 4Ҳ-1583 йўлининг биринчи километрида содир бўлган. Маҳалладан туман марказига ҳаракатланиб келаётган Nexia транспорт воситаси олдидаги Spark машинаси билан тўқнашиб кетган.
Зарб туфайли Spark транспорт воситаси қарама-қарши томондан келаётган Gentra автомобилига бориб урилган. Nexia эса бошқарувни йўқотиб, ариққа тушиб кетган.
Ҳолат оқибатида Nexia ҳайдовчиси тиббиёт бирлашмаси бўлимида олган жароҳатлари билан вафот этган.
Ҳодиса жойи ўрганилганда йўл сунъий ёритиш чироқлари билан жиҳозланмагани аниқланган.
Изоҳ (0)