UzAuto Motors SAP ҳисоб дастурий таъминотини амалга ошириш ва маҳсулот инвентаризацияси ўтказаётгани сабаб 4 январдан бошлаб контрактация шартномасини тузиш, барча автомобилларни топшириш ва тўловларни қабул қилишни вақтинча тўхтатганди. Компания 9 январь куни бу жараён яна бир неча кун давом этишини маълум қилди.
Қайд этилишича, SAP ҳисоб дастурий таъминотини амалга ошириш ва маҳсулот инвентаризация қилиш ишлари узайтирилди. Шу муносабат билан, барча автомобилларни топшириш ва тўловларни қабул қилиш яна бир неча кунга тўхтатилади. Бундан ташқари, дастурий таъминотни ишга тушириш тадбирларининг ўтказилиши муносабати билан UzAvtoСавдо иловаси фаолияти ҳам вақтинча тўхтатиб турилиши мумкин.
Дастурий таъминотни янгилаш ва инвентаризация ишлари якунлангандан сўнг, контрактация шартномаларини тузиш, олдиндан тўловни қабул қилиш ва автомобилни етказиб бериш тўлиқ ҳажмда қайта тикланади.
«Истеъмолчиларимизни ишонтириб айта оламизки, 2022 йил, янги йил арафасида автомобиль етказиб бериш бўйича шартнома тузган ва вақтинчалик чеклов учун олдиндан тўловни амалга ошира олмаган шахслар иш қайта тикланганидан сўнг, автомобиль учун олдиндан тўловни амалга ошириши мумкин.
Шу билан бирга, улар томонидан автомобиль етказиб бериш бўйича тузилган шартномалар ўз кучида қолади, фақат олдиндан тўлов муддати узайтирилади», — дейилади UzAuto Motors хабарида.
Изоҳ (1)
Ассалому алуйкум уз авто матрос качон чартномани бошлади