Ташқи сиёсий экспертлар Россия 2033 йилгача муваффақиятсиз давлатга айланиши ёки парчаланишини маълум қилди. Бу ҳақда Financial Times хабар берди.
Атлантика Кенгаши томонидан ўтказилган сўровда 167 экспертнинг 46 фоизи Россия яқин 10 йил ичида қулаши ёки парчаланиши мумкинлигини айтди. Мутахассисларнинг 40 фоизи Россияни бир қатор сабабларга кўра, хусусан, «инқилоб, фуқаролар уруши ёки сиёсий парчаланиш» туфайли парчаланишини илгари сурди.
«Украина Россияда ички муаммолар юзага келиши ва урушнинг бутун мамлакат учун бумеранг оқибатларга олиб келиши мумкинлигини таъкидлайди», — дейди Атлантика Кенгашининг прогнозлаш бўйича директори ўринбосари Питер Энгелке.
Хабарда келтирилишича, Россия президенти Владимир Путин Москва Украинада муваффақиятсизликларга дуч келаётганини ва уруш узоқ давом этишини очиқ тан ола бошлаган. АҚШва унинг Ғарбдаги иттифоқчилари Украинани қанча вақт керак бўлса, қўллаб-қувватлашга ваъда берган. Айни пайтда урушни йиллар мобайнида давом эттиришга тайёрланмоқда.
Шу билан бирга, экспертларнинг аксарияти Россия ва НАТО яқин ўн йил ичида бевосита ҳарбий можарога киришишига ишонмайди. Мутахассисларнинг 58 фоизи яқин 10 йил ичида ядровий қуролдан фойдаланилмаслигига ишонади. Сўровда қатнашган экспертларнинг деярли 90 фоизи 2033 йилгача камида яна бир давлат ядро қуролига эга бўлишини прогноз қилган. Уларнинг 68 фоизи Эронни шундай давлат деб атаган. Бундан ташқари, респондентларнинг 70 фоизи яқин 10 йил ичида Хитой Тайванга қарши ҳарбий ҳужум бошлайди, деб ҳисоблайди.
Мавзуга доир: Учинчи жаҳон уруши 2023 йилда бошланиши мумкин бўлган 5 та жой
Изоҳ (0)