Россия армияси 9 январь куни эрталаб Харьков вилояти Шевченково қишлоғидаги бозорга ракета ҳужуми уюштирди. Бу ҳақда Украина президенти офиси раҳбари ўринбосари хабар берди.
Ҳодиса оқибатида икки киши ҳалок бўлди, етти киши, жумладан 13 ёшли ўсмир жароҳатланди. Бир сутка давомида Украина ҳудудига еттита ракета учирилган, 31 та авиазарба ва бир нечта ракета тизимларидан 73 та ҳужум қайд этилган. Украина қуролли кучлари Луганск ва Донецк вилоятларидаги Соледар, Бахмут, Марйинка ҳамда бошқа тўққизта аҳоли пунктларида Россия ҳарбийларининг ҳужумларини қайтарган.
«Ҳозирда Россия армияси Бахмут, Авдеевский ва Лиманский йўналишларида ҳужум амалиётларини ўтамоқда. Купянский йўналишида тактик вазиятни яхшилашга уринмоқда» — дейди Украина қуролли кучлари Бош штаби.
Маълумот ўрнида, 27 декабрда Россия ҳарбийлари Херсондаги касалхонанинг туғруқ бўлимини ўққа тутганди. Ҳужум олдидан шифокорлар кесарча кесишни якунлашга муваффақ бўлган.
24 декабрь куни Россия қўшинлари Херсонда, жумладан, иккита тиббиёт муассасасига зарба берган. Херсон вилоят клиник шифохонаси ҳудуди ўққа тутилган. Снарядлар вилоят психиатрик ёрдам кўрсатиш муассасасига ҳам келиб тушган. У ерда шифокор хонаси, томнинг бир қисми ва иситиш тизими вайрон бўлган.
Изоҳ (0)