Жервонта Дэвис енгилмас рақибини муддатидан аввал мағлуб этиб, камарини муваффақиятли ҳимоя қилди

АҚШнинг Вашингтон шаҳрида Ўзбекистон вақти билан 8 январь тонгида катта бокс оқшоми бўлиб ўтди.

Мусобақанинг асосий жанги енгил вазн тоифасида WBA чемпиони Жервонта Дэвис (28-0, 26 КО) Эктор Луис Гарсияга (16-1, 10 КО) қарши баҳс олиб борди.

Дастлабки икки раунд Жервонтанинг устунлигида ўтди, учинчи раундни Гарсия фаолроқ ўтказди. Кейинги раундларда Дэвис устунлик намойиш қилди. Саккизинчи раунддан кейин Гарсия бурчаги жангни давом эттиришдан бош тортди ва Жервонтага техник нокаутли ғалаба ёзилди.

Шу тариқа Жервонта Дэвис камарини тўртинчи бор муваффақиятли ҳимоя қилди.

Мусобақанинг қолган баҳслари натижаси билан танишинг:

• Жерон Эннис (30-0, 27 КО) очколар эвазига Карен Чукагянни (21-2, 11 КО) ютди — 120-108, 120-108, 120-108;
• Ройман Вилла (26-1, 24 КО) очколар эвазига Рашиди Эллисдан (24-1, 15 КО) устун келди — 113-113, 114-112, 114-112;
• Деметриус Андраде (32-0, 19 КО) очколар эвазига Демонд Николсонни (26-5-1, 22 КО) мағлуб этди — 100-88, 100-88, 100-88.