Лионель Месси 2022 йилнинг энг яхши плеймейкери деб топилди

«ПСЖ» клуби ва Аргентина терма жамоаси ҳужумчиси Лионель Месси Халқаро футбол тарихи ва статистикаси федерацияси (IFFHS) талқинига кўра 2022 йилнинг энг яхши плеймейкери деб топилди.

Месси номга бешинчи марта сазовор бўлди ва бу рекорд натижа ҳисобланади. У Хавининг рекордини (4) янгилади.

IFFHS талқинига кўра 2022 йилнинг энг яхши плеймейкерлари:

1. Лионель Месси («ПСЖ» / Аргентина);

2. Лука Модрич («Реал» / Хорватия);

3. Кевин де Брюйне («Манчестер Сити» / Бельгия);

4. Бруну Фернандеш («Манчестер Юнайтед» / Португалия);

5-6. Антуан Гризманн («Атлетико» / Франция);

5-6. Бернарду Сильва («Манчестер Сити» / Португалия).

2020 ва 2021 йилларда Кевин де Брюйне энг яхши плеймейкер номига сазовор бўлганди.

Месси ўтган йил якунларига кўра IFFHS’нинг учинчи совринига эга чиқиши. Аввалроқ Лео йилнинг энг яхши ўйинчиси ва энг яхши тўпурари бўлганди.

Аргентиналик футболчи фаолияти давомида 13 марта IFFHS совринига эга чиқди. Лионель бу борада мутлақ рекордчи ҳисобланади. Кейинги ўриндаги Криштиану Роналдуда 8 та соврин бор.