Ҳарбий прокуратура томонидан 8 январь — Ўзбекистон Республикаси прокуратура органлари ҳодимлари куни муносабати билан «Қуролли кучлар давлат музейи»да тарих, бугун ва келажакни ўзида мужассам этувчи уч авлод учрашуви ташкил этилди.
Унда Ҳарбий прокуратура органлари фахрийлари, Тошкент шаҳрида жойлашган етакчи олий ҳарбий таълим муассасалари, хусусан, Қуролли кучлар, Фавқулодда вазиятлар вазирлиги академиялари, Жамоат хавфсизлиги университети курсантлари, Темурбеклар мактаби ўқувчилари ҳамда ҳарбий прокуратуранинг ёш прокурор-тергов ходимлари иштирок этди.
Тадбир Ўзбекистон ҳарбий прокурори Ботир Қудратхўжаев раҳбарлигида ўтказилди. Мудофаа вазирининг ўринбосари Ҳамдам Қаршиев, прокуратура органларини қўллаб-қувватлаш маркази бошлиғи Ботир Калонов учрашувда ёшларни ўз фиркларини билдириб, барча прокуратура органлари ходимларини байрам билан қутлади.
Кўтаринки кайфиятда ўтган учрашувда фахрийлар ўз ҳаётий тажрибалари билан ўртоқлашди. Сўнгра фахрийлар ва ёшлар «Прокуратура органлари музейи» билан танишди. Ёшларни ватанпарварлик руҳида тарбиялаш, уларда қонунга ҳурмат, адолат туйғусини янада мустаҳкамлаш мақсадида шу каби тадбирлар келгусида ҳам давом эттирилади.
Изоҳ (0)