АОКАда ўтказилган брифингда Техник жиҳатдан тартибга солиш агентлиги ахборот хизмати раҳбари Абдурауф Расулов стандартлаштириш соҳасига оид янги қонун ҳужжатларининг мазмуни ҳақида маълумот берди.
Қайд этилишича, Сенат томонидан маъқулланган «Техник жиҳатдан тартибга солиш тўғрисида»ги қонун истеъмолчилар манфаатларини ҳимоя қилиш билан бирга ишлаб чиқарилаётган миллий маҳсулотлар сифатини таъминлашга хизмат қилади.
Маҳсулотнинг хавфсизлигини назорат қилиш нафақат корхонанинг ўзида, балки савдо нуқталарида ҳам амалга оширилиши кўзда тутилмоқда. Маҳсулотлар хавфлилик даражасидан келиб чиқиб мувофиқлигини тасдиқлаш механизми жорий этилади. Ички бозорда сотилаётган маҳсулотлар сифатини кенг жамоатчилик иштирокида назорат хариди орқали баҳолаш тартиби йўлга қўйилади.
«Мувофиқликни баҳолаш органларини аккредитация қилиш тўғрисида»ги қонунга асосан эса халқаро стандартларни қўллаш натижасида лабораториялар холислиги ва бетарафлиги таъминланади, синов натижаларининг халқаро майдонда тан олинишига эришилади.
Шунингдек, Хавфлилик даражаси юқори бўлган маҳсулотларни сертификатлаш органини тайинлаш ваколати Вазирлар Маҳкамасига берилмоқда. Ички бозорда сотилаётган маҳсулотлар сифатини кенг жамоатчилик иштирокида назорат хариди орқали баҳолаш тартиби жорий этилади ва сифатсиз маҳсулотларнинг кириб келиши олди олинади.
Изоҳ (0)