AOKAda o‘tkazilgan brifingda Texnik jihatdan tartibga solish agentligi axborot xizmati rahbari Abdurauf Rasulov standartlashtirish sohasiga oid yangi qonun hujjatlarining mazmuni haqida ma’lumot berdi.
Qayd etilishicha, Senat tomonidan ma’qullangan “Texnik jihatdan tartibga solish to‘g‘risida”gi qonun iste’molchilar manfaatlarini himoya qilish bilan birga ishlab chiqarilayotgan milliy mahsulotlar sifatini ta’minlashga xizmat qiladi.
Mahsulotning xavfsizligini nazorat qilish nafaqat korxonaning o‘zida, balki savdo nuqtalarida ham amalga oshirilishi ko‘zda tutilmoqda. Mahsulotlar xavflilik darajasidan kelib chiqib muvofiqligini tasdiqlash mexanizmi joriy etiladi. Ichki bozorda sotilayotgan mahsulotlar sifatini keng jamoatchilik ishtirokida nazorat xaridi orqali baholash tartibi yo‘lga qo‘yiladi.
“Muvofiqlikni baholash organlarini akkreditatsiya qilish to‘g‘risida”gi qonunga asosan esa xalqaro standartlarni qo‘llash natijasida laboratoriyalar xolisligi va betarafligi ta’minlanadi, sinov natijalarining xalqaro maydonda tan olinishiga erishiladi.
Shuningdek, Xavflilik darajasi yuqori bo‘lgan mahsulotlarni sertifikatlash organini tayinlash vakolati Vazirlar Mahkamasiga berilmoqda. Ichki bozorda sotilayotgan mahsulotlar sifatini keng jamoatchilik ishtirokida nazorat xaridi orqali baholash tartibi joriy etiladi va sifatsiz mahsulotlarning kirib kelishi oldi olinadi.
Izoh (0)