Tesla йил охирида прогноз қилинганидан қанча кам автомобиль етказиб бергани маълум бўлди

Американинг Tesla компанияси 2022 йилнинг тўртинчи чорагида рекорд даражадаги даромад олгани маълум қилинди. Бу ҳақда Reuters хабар бермоқда.

Бироқ ҳисоб-китоблар логистика муаммолари, талабнинг пасайиши, фоиз ставкаларининг ошиши ва рецессия қўрқуви билан чиқарилган Wall Street’нинг прогнозларига тўғри келмайди.

Refinitiv маълумотларига кўра, Tesla 2022 йилнинг сўнгги уч ойида 405 мингта автомобиль етказиб берди. Wall Street эса бу кўрсаткич 431 мингта автомобилга тенг бўлишини прогноз қилган эди.

Бутун 2022 йил давомида компаниянинг етказиб бериш ҳажми 40 фоизга ўсди ва Маскнинг йиллик 50 фоизлик мақсадига эриша олмади.

Компания 2022 йилда бозор қийматининг 65 фоизини йўқотган бўлса ҳам, дунёдаги энг қиммат автомобиль ишлаб чиқарувчиси бўлиб қолмоқда.

Таҳлилчилар дунёнинг энг йирик автомобиль бозори бўлган Хитойда талаб пастлигини, шунингдек, Ford Motor, General Motors ва Rivian Automotive каби стартапларнинг кучли рақобатини тилга олади. Хитойда микрочиплар ва локдаунларнинг йўқлиги ҳам электр транспорт воситаларини етказиб беришга таъсир қилди.

Tesla акциялари 2022 йилда 65 фоизга тушиб кетди. Бу 2010 йилда у биржага чиққанидан бери энг ёмон йил бўлди.

Йил давомида Tesla капиталлашуви икки баравар камайди — йил бошида у 1,2 триллион долларга баҳоланган эди. Йилнинг охирги ҳафтасида компания акциялари 85 миллиард долларга арзонлашган.