Тошкентдаги банк офиси аукционда қарийб 80 млрд сўмга сотилди

Тошкент шаҳар, Яшнобод туманидаги офис ҳамда савдо шохобчалари кимошди савдосида сотилди. Маълумотлар «E-auksion» порталида эълон қилинган.

Лот аукционга «Алоқабанк» томонидан жойлаштирилган эди. Бино ичидаги жиҳозлари билан бирга сотилган, Ерга бўлган ҳуқуқ тури — ижара.

2019 йилда қурилган ушбу бино 5 қават ва 11 та хонадан иборат.

Ер участкасининг умумий майдони — 0,05 гектар. Бинонинг майдони — 1 658 квадрат метр. Бинода, сув, электр таъминоти ва канализация тизими бор. Газ таъминоти эса йўлга қўйилмаган.

Аукционга қўйилган офис биносининг бошланғич баҳоси — 73,9 млрд сўм. 29 декабрь куни бўлиб ўтган савдоларда бино 77,5 млрд сўмга «Ишонч кредит савдо» компаниясига сотилди.

Аввалроқ Тошкент вилоятидаги клиника 80 млрд сўмга аукционга қўйилгани ҳақида хабар берилган эди.