Албатта, реинкарнация қилишни билмаган актёр ҳеч қачон машҳур бўлолмайди. Шундай даҳолар борки, бу ишни шу қадар усталик билан бажарадики, титрда исмни кўрмагунимизча, бу ролни ким ўйнагани хаёлимизга ҳам келмайди.
Стеллан Скарсгард
Стеллан Скарсгард «Кариб денгизи қароқчилари» фильмида Уилл Тёрнернинг отаси, шапалоқ Билл лақабли қароқчи ролини ўйнайди. Кейин эса Marvel кино оламида олим Эрик Селвиг сифатида намоён бўлади. «Дюна» фильмини томоша қилган ҳар бир кишининг хотирасида барон Владимир Харконнен бўлиб қолади.
Натали Дормер
«Казанова»даги нозик Виктория «Тахтлар ўйини»даги шиддатли Маргаери Тиреллдан шунчалик узоқдаки, ролларни худди шу актриса Натали Дормер ўйнаганини тасаввур қилиш қийин. Актриса «Ҳаёт-мамот ўйинлари» фильмидаги Крессида ролини қайилмақом тарзда ижро этган.
Жессика Честейн
Гўзал Жессика Честейн «Хизматкор» драмасида малла сочли аёл Селия Фут ролини ўйнайди. Аммо уни бу ролда эслаганлар учун «Interstellar» фильмидаги Мёрфни ҳам у ўйнашини тахмин қилиш қийин эди. Темми Фей образидаги актрисани эса фақат ёрқин кўзларидан таниб олиш мумкин.
Кейт Уинслет
Кейтнинг омадли чиптаси «Титаник» фильмидаги Роуз роли бўлди, ундан кейин «Тоза ақлнинг абадий қуёши» фильмида ёрқин Клементин Кручински ролини ижро этди. Узоқ кутилган «Аватар: Сув йўли» фильмида Кейт Меткайина уруғидан бўлган жангчи Ронал ролини ўйнади.
Карен Гиллан
Шотландиялик актриса Эми Понд ролида ажойиб дебют қилади: Доктор Ким ролини ўйнаган Мэтт Смит билан дуэт қилган малласоч актрисани ҳамма севиб қолган. Аммо Доктор Кимдаги шаддод Эми ва кўк терили ўзга сайёралик жангчи ва «Галактика қўриқчилари»дан Таноснинг асраб олинган қизи Nebula ўртасида тубсизлик бор, аммо Карен барча ролларини қойилмақом тарзда ижро этган. «Жуманжи»даги Руби Раундҳаус қиёфасида эса бутун дунёга танилди.
Жейк Жилленхол
«Форс шаҳзодаси» фильмидаги шаҳзода Достондан Жейк «Чапақай» спорт драмасида ярим оғир вазнда бокс бўйича жаҳон чемпиони буюк Билли Хопга айланди. Эҳтимол, Жилленхолни «Ўргимчак одам: Уйдан узоқда» фильмидаги Мистерио образида танимагандирсиз.
Энди Серкис
Энди Серкис — ниқобланишнинг устаси. У ўзининг узоқ йиллик фаолияти давомида «Узуклар ҳукмдори» фильмидаги Голлум, «Маймунлар сайёрасининг пайдо бўлиши» фильмидаги примат Цезарь, Кинг Конг, «Юлдузлар жанги»да олий раҳнамо Снок каби образларни экранда «жонлантиришга» муваффақ бўлди. Хуллас, актёрнинг асл қиёфасини «Нуфуз» фильмида кўриш мумкин.
Гвендолин Кристи
Гвендолин Кристи ўз ватанида «Сеҳргарлар ўзга сайёраликларга қарши» фантастик телесериалида суратга тушганидан сўнг машҳур бўлди. Дунё эса «Тахтлар ўйини» фильмидаги Бриэнна Тарт ролидаги ажойиб ижроси туфайли уни таниди. «Уэнздей» телесериалидаги директор Лариса Уимснинг роли — у шунчалик нафис кўринадики, қилични моҳирлик билан тутадиган ва рицар бўлишни орзу қиладиган қаттиққўл хонимни дарҳол таний олмайсиз.
Мавзуга доир:
Изоҳ (0)