Вазелин кўпроқ тиббий вазиятларда қўлланилади. Кўпчилик учун ушбу маҳсулот шу мақсадда маълум. Аммо «Новий очаг» нашри ундан яна бошқа ҳолатларда ҳам фойдаланиш мумкинлигини маълум қилди.
Лак идишининг қопқоғи қотиб қолмаслиги учун
Агар лак идишининг чети ва қопқоғига юпқа қилиб вазелин суртиб қўйилса, у қотиб қолмайди. Сўнгра лакни очиб беришни кимдандир сўрашга хожат қолмайди.
Атирлар умрини узайтириш учун
Агар билаклар, қулоқлар орқаси, бўйинга озгина ҳидсиз вазелин суртиб қўйилса ва кейин атир сепилса, таъсири ажойиб бўлади. Вазелин ҳидларни яхши сингдиради ва ўзида сақлаб, аста-секин чиқаради. Натижада атир ҳиди одатдагидан анча узоқроқ қолади.
Сочларни бўяшдан олдин
Уй шароитида сочни бўяшдан олдин вазелин қўллаш лозим. Сўнгра жараёндан кейин ювилган сочлар ўзгача жилога эга бўлади.
Профессионал даражада маникюр
Лакни суртишда жуда тажрибали эмасмисиз? Бўяшдан олдин тирноқ атрофидаги терини вазелин билан артиб олиш лозим. Натижада лак тирноқ четига чиқиб кетмайди.
Лабларнинг териси кўчганда
Дастлаб шакар ва вазелин аралаштирилиб, лабга суртилади. Ҳосил бўлган скраб ювиб ташлангач, вазелиннинг ўзи суртилади. Бу қуриб қолган лабларни парвариш қилишга ёрдам беради.
Қалин кирпиклар
Агар туш тугагани ёки қуриб қолганини билсангиз, сизга вазелин ёрдам беради. Туш чўткасига бироз вазелин суртилади ва киприкларга худди тушдек қўлланилади.
Тери юзасидаги қизаришни бартараф этади
Бу кўпроқ иссиқ ҳавода ёрдам беради. Масалан, сон ёки қўлтиқ орасига озгина вазелин суртилса, бир зумда қизаришлардан халос бўлиш мумкин.
Изоҳ (0)