Albatta, bu oziq-ovqat plyonkasi mahsulotlarni qadoqlash va yangi holatda saqlash uchun juda qo‘l keladi. Ammo undan boshqa maqsadlarda ham foydalanish mumkin, deb yozadi “Noviy ochag”.
Bananlarni saqlash mumkin
Agar banan ildizi yoki butun bir dastasi plyonka bilan o‘rab qo‘yilsa, ular sekinroq pishadi va muddatidan oldin qoraymaydi.
Ta’mirlash paytida
Cho‘tka va boshqa bo‘yoq surtkichlarni yuvmasdan shunchaki plyonkaga o‘rab qo‘yish mumkin. Natijada ulardagi bo‘yoq qotib qolmaydi.
Skotch o‘rnida foydalanish mumkin
Murakkab sirtlar — jo‘mrak tutqichlari, devor lampalari va hokazolar ta’mirlash vaqtida plyonka bilan o‘rab qo‘yilsa, keyin ulardan chang va bo‘yoq tomchilaridan yuvish talab etilmaydi.
Sayohat paytida
Sayohat vaqtida olib ketish mumkin bo‘lgan har qanday kosmetik suyuqlikni plyonkaga o‘rab olish mahsulot oqib ketishining oldini oladi.
Tuxum pashot pishirish uchun
Tovaga polyonka yoyiladi va o‘rtasiga tuxum chaqilib, tuz va ziravolar sepiladi. Asta sekin plyonka cheti birlashtirilib, tuxumni qulay tarzda pishirib olish mumkin.
Muzlatkich tozaligi uchun
Sovutkichning har bir javoniga plyonkaga solib qo‘yilsa, keyin uni yuvish shart bo‘lmaydi. Plyonkani ikki haftada bir marta yangilab turish kifoya.
Izoh (0)