Vazelin ko‘proq tibbiy vaziyatlarda qo‘llaniladi. Ko‘pchilik uchun ushbu mahsulot shu maqsadda ma’lum. Ammo “Noviy ochag” nashri undan yana boshqa holatlarda ham foydalanish mumkinligini ma’lum qildi.
Lak idishining qopqog‘i qotib qolmasligi uchun
Agar lak idishining cheti va qopqog‘iga yupqa qilib vazelin surtib qo‘yilsa, u qotib qolmaydi. So‘ngra lakni ochib berishni kimdandir so‘rashga xojat qolmaydi.
Atirlar umrini uzaytirish uchun
Agar bilaklar, quloqlar orqasi, bo‘yinga ozgina hidsiz vazelin surtib qo‘yilsa va keyin atir sepilsa, ta’siri ajoyib bo‘ladi. Vazelin hidlarni yaxshi singdiradi va o‘zida saqlab, asta-sekin chiqaradi. Natijada atir hidi odatdagidan ancha uzoqroq qoladi.
Sochlarni bo‘yashdan oldin
Uy sharoitida sochni bo‘yashdan oldin vazelin qo‘llash lozim. So‘ngra jarayondan keyin yuvilgan sochlar o‘zgacha jiloga ega bo‘ladi.
Professional darajada manikyur
Lakni surtishda juda tajribali emasmisiz? Bo‘yashdan oldin tirnoq atrofidagi terini vazelin bilan artib olish lozim. Natijada lak tirnoq chetiga chiqib ketmaydi.
Lablarning terisi ko‘chganda
Dastlab shakar va vazelin aralashtirilib, labga surtiladi. Hosil bo‘lgan skrab yuvib tashlangach, vazelinning o‘zi surtiladi. Bu qurib qolgan lablarni parvarish qilishga yordam beradi.
Qalin kirpiklar
Agar tush tugagani yoki qurib qolganini bilsangiz, sizga vazelin yordam beradi. Tush cho‘tkasiga biroz vazelin surtiladi va kipriklarga xuddi tushdek qo‘llaniladi.
Teri yuzasidagi qizarishni bartaraf etadi
Bu ko‘proq issiq havoda yordam beradi. Masalan, son yoki qo‘ltiq orasiga ozgina vazelin surtilsa, bir zumda qizarishlardan xalos bo‘lish mumkin.
Izoh (0)